શ્રદ્ધા / VIDEO: ઠાકોરજીનો હાથ તૂટ્યો, પૂજારી ધ્રુસકે ને ધ્રુસકે રડ્યાં, ડોક્ટરે પ્લાસ્ટર કરી આપ્યું

• આગ્રામાં ભક્તિ ભાવનાનું દ્રશ્ય 
• ભગવાન માટે ભક્તના આંસુ 
• મૂર્તિ લઈને હોસ્પિટલ પહોંચ્યા પૂજારી 

શું છે સમગ્ર મામલો
આગ્રામાં અચાનક એક પૂજારી રડતાં રડતાં હોસ્પિટલ પહોંચ્યા અને તેમના સમાચાર મીડિયામાં છવાઈ ગયા, કારણ કે પૂજારીજી શ્રીકૃષ્ણને લઈને આવ્યા હતા જેમની મૂર્તિનો હાથ તૂટી ગયો હતો. 

પૂજારીની ભક્તિ જોઈને રૂંવાડા ઊભા થઈ જશે 
નોંધનીય છે કે પૂજારી સવારનાં કાનાજીને સ્નાન કરાવી રહ્યા હતા તે સમયે ભૂલથી મૂર્તિ ખંડીત થઈ અને આ જોતાં જ જાણે પૂજારીએ હોશ ગુમાવી બેઠા. તેઓ તાત્કાલિક મૂર્તિનો ઈલાજ કરાવવા માટે હોસ્પિટલ પહોંચ્યા હતા, હોસ્પિટલમાં સ્ટાફ પણ પૂજારીની ભક્તિ ભાવના જોઈને વિચારમાં પડી ગયો હતો અને ડોક્ટરે મૂર્તિને પ્લાસ્ટર પણ કરી આપ્યું હતું. 

સોશ્યલ મીડિયા પર પૂજારીનો વીડિયો પણ વાયરલ થઈ રહ્યો છે જેમા કોઈ શકાય છે કે પૂજારી હોસ્પિટલ પહોંચીને રડી રહ્યા છે અને ઈલાજ માટે રડી રહ્યા છે. 

35 વર્ષથી વ્હાલાજીની કરે છે સેવા
પૂજારીએ કહ્યું કે હું જ્યારે પહોંચ્યો ત્યારે હોસ્પિટલે મારી વાતને ગંભીરતાથી લીધી હતી નહીં, હું અંદરથી તૂટી ગયો હતો એટલે આંસુ રોકી ન શક્યો. તેમણે જણાવ્યું કે તેઓ છેલ્લા 35 વર્ષથી મંદિરમાં પૂજારી છે.