મુંબઇઃ મહારાષ્ટ્રમાં દૂધના મુદ્દે ચાલી રહેલા આંદોલનના પગલે સરકારના પ્રતિનિધિ ગિરિશ મહાજન અને રાજુ શેટ્ટી વચ્ચે બે કલાક સુધી બેઠક ચાલી. બેઠક દરમિયાન રાજુ શેટ્ટીએ ખેડૂતોના મુદ્દાને રજૂ કર્યો અને દૂધની કિંમતને લઈને ચાલી રહેલા આંદોલનના વિવિધ પાસાઓને પણ રજૂ કર્યા.
બેઠક બાદ રાજુ શેટ્ટીએ જણાવ્યું કે અમે સરકાર સાથે વાતચીત કરવા માટે તૈયાર હતા. જો અમારી માગ પૂરી થઈ જાય તો અમારે બેઠકની કોઈ જરૂર નથી. અમે અમારી માગ રજૂ કરી અને ચર્ચા વિચારણા કરી. પરંતુ અમારૂ આંદોલન ચાલુ રહેશે જ્યાં સુધી સરકાર તરફથી અમને કોઈ ચોક્કસ આશ્વાસન ન મળી રહે.
તો ગીરીશ મહાજને જણાવ્યું કે અમે તેઓની તમામ વાતો સાંભળી છે. જેમાં કેટલીક માગ વ્યવહારીક નથી. પરંતુ હવે આ અંગે મુખ્યમંત્રી સાથે વાતચીત કરવામાં આવશે અને બાદમાં કોઈ નિર્ણય લેવાશે.