રિલાયન્સ જિયોને ટક્કર આપવા માટે એરટેલે એક શાનદાર પ્લાન લૉન્ચ કર્યો છે. એરટેલે આ પ્લાન પોતાના પ્રિપેઇડ ગ્રાહકો માટે લૉન્ચ કર્યો છે. એરટેલના આ પ્લાનની કિંમત ફક્ત 65 રૂપિયા છે.
એરટેલના 65 રૂપિયાના પ્લાનમાં યુઝર્સને 1GB 3G ડેટા આપવામાં આવી રહ્યો છે. તેની વેલિડિટી 28 દિવસની છે. અગાઉ એરટેલે એક 49 રૂપિયાનો પ્લાન લોન્ચ કર્યો હતો. એરટેલના 49 રૂપિયાના પ્લાનમાં યુઝર્સને 1GB 4G ડેટા આપવામાં આવે છે. તેની વેલિડિટી એક દિવસની છે.
Airtel 65 planમાં યુઝર્સને 4G ડેટા નથી આપી રહ્યું. કંપની ફક્ત 2G અને 3G ડેટા આપી રહી છે. તેવામાં એરટેલના પ્રિપેઇડ ગ્રાહકો માટે અન્ય એક 98 રૂપિયાનો પ્લાન લૉન્ચ કરવામાં આવશે. એરટેલ આ પ્લાનમાં 5GB 4G ડેટા આપી રહી છે. તેની વેલિડિટી 28 દિવસની છે.
આ ઉપરાંત એરટેલના અન્ય એક પ્લાનની વાત કરીએ તો એક પ્લાન ફક્ત 157 રૂપિયાનો પણ છે. આ પ્રિપેઇડ પ્લાન કેટલાંક સિલેક્ટેડ યુઝર્સ માટે છે. તેમાં 27 દિવસ માટે 3GB ડેટા આપવામાં આવી રહ્યો છે.