કાર્યવાહી / મનીષ સિસોદિયાનાં ઘર બાદ હવે લોકરની તપાસ કરવા પહોંચી CBI, પત્ની સાથે બેન્કમાં Dy.CM પોતે પણ હાજર

• દિલ્હીના ડેપ્યુટી સીએમ મનીષ સિસોદિયાના બેંક લોકરની તપાસ શરૂ 
• ગાઝિયાબાદમાં આવેલ પંજાબ નેશનલ બેંક પહોંચી CBIની ટીમ 
• બેન્કમાં મનીષ સિસોદિયા અને તેમની પત્ની પણ હાજર 

કેન્દ્રીય તપાસ એજન્સી (CBI) હાલ દિલ્હીના ડેપ્યુટી સીએમ મનીષ સિસોદિયાના બેંક લોકરની તપાસ કરી રહી છે. વિગતો મુજબ પંજાબ નેશનલ બેંક, વસુંધરા સેક્ટર 4, ગાઝિયાબાદમાં મનીષ સિસોદિયાનું કાર્ડ બેંક લોકર છે. તેની તપાસ માટે સીબીઆઈની ટીમ બેંક પહોંચી ગઈ છે. આ સાથે મનીષ સિસોદિયા અને તેમની પત્ની પણ બેંકમાં હાજર છે. બેંકમાં સીબીઆઈ અધિકારીઓ મનીષ સિસોદિયાની સામે તેમનું લોકર ચેક કરશે. 

દિલ્હીની પ્રખ્યાત લિકર પોલિસીમાં ગરબડના મામલામાં સીબીઆઈ એક્શનમાં છે. સીબીઆઈએ આ પહેલા ઓગસ્ટમાં જ દિલ્હીના ડેપ્યુટી સીએમ મનીષ સિસોદિયાના ઘરે દરોડા પાડ્યા હતા. આટલું જ નહીં સીબીઆઈએ આ મામલામાં પૂર્વ એક્સાઈઝ કમિશનર આરવ ગોપી કૃષ્ણાનાના ઘર સહિત 7 રાજ્યોમાં 21 સ્થળો પર દરોડા પાડ્યા હતા.

#WATCH | Delhi Deputy CM & AAP leader Manish Sisodia's bank locker located at Punjab National Bank in Vasundhara, Sector-4, Ghaziabad, UP being investigated by CBI, in connection with Delhi excise policy case pic.twitter.com/toMNhW494d

— ANI (@ANI) August 30, 2022

નોંધનીય છે કે, તાજેતરમાં દિલ્હીના લેફ્ટનન્ટ ગવર્નર વિનય સક્સેનાએ સીબીઆઈ તપાસની ભલામણ કરી હતી. મુખ્ય સચિવના રિપોર્ટ બાદ એલજી વીકે સક્સેનાએ આ પગલું ભર્યું છે. આ રિપોર્ટમાં મનીષ સિસોદિયાની ભૂમિકા પર પણ સવાલો ઉઠાવવામાં આવ્યા છે. વાસ્તવમાં, દિલ્હીનું એક્સાઈઝ વિભાગ મનીષ સિસોદિયા હેઠળ છે.