રાજકોટ / VIDEO: 'હું દારૂ પીવ છું, રોજ 20 લીટર દારું વેચું છું, કોઈથી બીવાનો નથી', જસદણમાં દારૂડિયાની પોલીસને ખુલ્લી ચેલેન્જ

• લઠ્ઠાકાંડ બાદ પણ રાજકોટમાં દેશી દારૂનું ધૂમ વેચાણ
• જસદણના ગઢડીયા ગામમાં દારૂ વેચતા શખ્સનો વીડિયો વાયરલ
• પોલીસને ખુલ્લેઆમ પડકારતો વીડિયો વાયરલ 

તાજેતરમાં બોટાદ-બરવાળા લઠ્ઠાકાંડનો મુદ્દો રાજ્યભરમાં ગાજ્યો હતો. જેને લઇને રાજ્યમાં દારૂબંધી બાબતે પોલીસ તંત્ર સામે સવાલો ઊભા થયા હતા. આથી સમગ્ર રાજ્યની પોલીસ એલર્ટ મોડમાં આવી ગઈ હતી અને પોતપોતાના વિસ્તારમાં ધમધમતા દારૂના અડ્ડાઑ પર ત્રાટકી અડ્ડા બંધ કરાવ્યા હતા. પરંતુ થોડો સમય વિતતાની સાથે જ આ કામગીરી માત્ર દેખાડા સમાન સાબિત થઇ છે. જેના બોલતા પુરાવા રૂપે રાજકોટના જસદણના ગઢડીયા ગામમાં દારૂ વેચતા શખ્સનો વીડિયો વાયરલ થયો છે. 

લઠ્ઠાકાંડ બાદ પણ રાજકોટમાં દેશી દારૂનું ધૂમ વેચાણ થઇ રહ્યું છે. જસદણના ગઢડીયા ગામમાં દારૂ વેચતા શખ્સનો વીડિયો વાયરલ થયો છે. જે પોલીસને ખુલ્લેઆમ પડકાર ફેંકી રહ્યો છે. #Rajkot #Jasdan pic.twitter.com/cklkHHIcaw

— VTV Gujarati News and Beyond (@VtvGujarati) August 24, 2022

દરરોજ 20 લીટર જેટલો દારૂ વેચતો હોવાનો દાવો 
લઠ્ઠાકાંડ બાદ પણ રાજકોટમાં દેશી દારૂનું ધૂમ વેચાણ થતું હોવાની રાવ ઉઠી રહી છે. તેવામાં જસદણના ગઢડીયા ગામે દારૂનું વેચાણ થતું હોવાનો વીડિયો સામે આવ્યો છે. પોલીસને ખુલ્લેઆમ પડકાર ફેંકતો અને પોલીસની આબરૂને ધૂળધાણી કરતાં આ વિડીયોમાં દેખાતો શખ્સ પોતે પણ દારૂના નશામાં ધૂત હોવાનું જાણવા મળે છે. "હું દારૂ પીવ છું અને દારૂ વેચુ છું, કોઇ ન વેચે એટલો દારૂ વેચી છું". તે સહીતની કબૂલાત અને વાણી વિલાસ કરતો શખ્સ વીડિયોમાં નજરે પડે છે. વધુમાં ખુલ્લેઆમ દારૂ વેચાતો દરરોજ 20 લીટર જેટલા દારૂનું વેચાણ કરતો હોવાની કબૂલાત પણ વીડિયોમાં આપે છે. જેને લઈને જસદણમાં પોલીસની કામગીરી સામે લોકોમાં સવાલો ઊભા થયા છે.