લાલ સિંહ ચઢ્ઢાની રિલીઝ બાદ આમિર ખાને એક્ટિંગમાંથી બ્રેક લેવાની જાહેરાત કરી હતી પણ અહેવાલો છે કે આમિર ખાન રિએન્ટ્રી કરશે અને આ વખતે તે ટોલીવુડમાં ધૂમ મચાવતો જોવા મળશે.
આમિર ખાને એસએસ રાજામૌલી સાથે હાથ મિલાવ્યો છે
શું આમિર ખાન પણ સાઉથ તરફ વળ્યો?
રાજામૌલીની SSMB 29 એક પાન વર્લ્ડ મૂવી બનશે!
સુપરસ્ટાર આમિર ખાન લાંબા બ્રેક બાદ વાપસી કરવાની તૈયારી કરી રહ્યો છે. આમિર ખાનના ધમાકેદાર કમબેક વિશે દરરોજ ઘણા સમાચાર સોશિયલ મીડિયા પર વાયરલ થાય છે. નવા અહેવાલ મુજબ આમિર ખાને પોતાના પુનરાગમન માટે ફિલ્મ નિર્માતા એસએસ રાજામૌલી સાથે હાથ મિલાવ્યા છે. એવું કહેવામાં આવી રહ્યું છે કે, આમિર ખાન સુપરસ્ટાર મહેશ બાબુ સાથે ટોલીવુડની ફિલ્મમાં જોવા મળવાનો છે અને આ ફિલ્મ SSMB 29 હોઈ શકે છે.
શું આમિર ખાન પણ સાઉથ તરફ વળ્યો?
ફિલ્મ લાલ સિંહ ચઢ્ઢાની રિલીઝ બાદ આમિર ખાને એક્ટિંગમાંથી બ્રેક લેવાની જાહેરાત કરી હતી. આમિર ખાને કહ્યું કે, તે લાંબા સમયથી કામ કરી રહ્યો છે હવે પરિવારને સમય આપવા માંગે છે. પરંતુ હવે ઘણા સમયથી એવા અહેવાલો છે કે આમિર ખાન પુનરાગમન કરવાનો છે અને આ વખતે તે ટોલીવુડમાં ધૂમ મચાવતો જોવા મળશે. રિપોર્ટ્સનું માનીએ તો મહેશ બાબુની ફિલ્મમાં આમિર ખાન વિલન તરીકે ધમાકેદાર જોવા મળશે.
SSMB 29 એક પાન વર્લ્ડ મૂવી બનશે!
સુપરસ્ટાર મહેશ બાબુ અને SS રાજામૌલી ની જોડી SSMB 29 માં પહેલીવાર બનવા જઈ રહી છે. બીજી તરફ જો આ ફિલ્મમાં આમિર ખાનની અપકમિંગ ફિલ્મોની એન્ટ્રી થશે તો તે ફિલ્મ ચાહકો માટે મોટી ટ્રીટ હશે. અહેવાલો અનુસાર, ઉત્તર-દક્ષિણ સિવાય એસએસ રાજામૌલી આખા વિશ્વને ભારતીય સિનેમા સાથે જોડવા માટે ફિલ્મમાં આવા ઘણા વળાંકો મૂકી શકે છે, જે SSMB 29ને સફળ બનાવશે અને RRR જેવી હિટ ફિલ્મ બનાવશે.