છટણી / એમેઝોન બાદ વધુ એક મલ્ટિનેશનલ કંપનીમાં ખળભળાટ, કર્મચારીઓને કાઢી મૂકવાનું CEOએ કર્યું એલાન

• ફાસ્ટફૂડની દિગ્ગજ કંપની કર્મચારીઓને છૂટા કરવાની તૈયારીમાં
• કંપનીમાં કામ કરતા લોકોનું અમે  મૂલ્યાંકન કરીશુંઃચીફ એક્ઝિક્યુટીવ ઓફિસર
• 75 ટકાથી વધુ  કર્મચારીઓ અમેરિકાથી બહાર કામ કરી રહ્યા છે

 મળતી માહિતી મુજબ કંપનીના એક મેમોરેન્ડમને ટાંકીને રિપોર્ટમાં જણાવ્યું છે કે, કંપની દ્વારા કર્મચારીઓને મોકલવામાં આવેલા મેમોમાં, ચીફ એક્ઝિક્યુટીવ ઓફિસર ક્રિસ કેમ્પસિન્કીએ જણાવ્યું હતું કે, અમે સંસ્થામાં કામ કરતા  કર્મચારીઓનું મૂલ્યાંકન કરીશું અને તે બાદ અમે નિર્ણય કરીશું. વધુમાં તેમણે કહ્યું કે,  કેટલાક નિયમોને પ્રાથમિકતાથી હટાવી દેવામાં આવ્યા છે અથવા તેને બંધ કરી દેવામાં આવ્યા છે.  આ અમારા વૈશ્વિક ખર્ચને ઘટાડીને અને અમારા વિકાસમાં રોકાણ કરવા માટે સંસાધનો મુક્ત કરીને સંસ્થા તરીકે ઝડપથી વિકાસ કરવામાં મદદ કરશે."

75 ટકાથી વધુ  કર્મચારીઓ અમેરિકાથી બહાર કામ કરી રહ્યા છે
મેકડોનાલ્ડ્સનું કહેવું છે કે 3 એપ્રિલ સુધી તેના ભવિષ્યના સ્ટાફ માટે શું યોજનાઓ બનાવવી રહ્યા છે.  રિપોર્ટમાં કહેવામાં આવ્યું છે કે મેકડોનલ્ડસ પાસે 2021 નાં અંત સુધી કંપનીનાં 200000 થી વધુ કોર્પોરેટ કર્મચારીઓ અને અન્ય કર્મચારીઓ હતા જેમાંથી હવે 75 ટકાથી વધુ કર્મચારીઓ અમેરિકાથી બહાર કામ કરી રહ્યા છે. 

એમેઝોન 18  હજારથી વધુ કર્મચારીઓને નોકરીમાંથી કાઢી મૂકવાની તૈયારીમાં

માઇક્રોબ્લોગિંગ પ્લેટફોર્મ ટ્વિટર અને મેટા જેવી મોટી કંપનીઓ બાદ હવે ઈ-કોમર્સ કંપની એમેઝોન પણ હજારો કર્મચારીઓને કંપનીમાંથી બહારનો રસ્તો બતાવવાની તૈયારી કરી રહી છે. તાજેતરમાં જ જાહેર થયેલા વોલ સ્ટ્રીટ જર્નલના રિપોર્ટમાં જણાવવામાં આવ્યું છે કે, હવે સૌથી મોટી છટણી એમેઝોનમાં જોવા મળી શકે છે. જેમાં કંપની 18 હજારથી વધુ કર્મચારીઓને નોકરીમાંથી કાઢી મૂકવાની તૈયારી કરી રહી છે.

આ આંકડો છેલ્લી વખત જાહેર કરવામાં આવેલા આંકડા કરતા ઘણો વધારે છે. તમને યાદ અપાવીએ કે, થોડા સમય પહેલા એક રિપોર્ટમાં કહેવામાં આવ્યું હતું કે, કંપની 10,000 કર્મચારીઓને નોકરીમાંથી કાઢી શકે છે. પરંતુ આ વખતે જે આંકડો સામે આવ્યો છે તે ખૂબ જ ચોંકાવનારો છે. 18,000 કર્મચારીઓએ તેમની નોકરી ગુમાવવી પડી શકે છે, એટલે કે કંપની 70 ટકા નોકરીઓ કાપવાની યોજના બનાવી રહી છે.

અત્યાર સુધીની સૌથી મોટી છટણી હશે ? 

વોલ સ્ટ્રીટ જર્નલના અહેવાલ મુજબ કેટલીક વધારાની છટણી પણ કરવામાં આવશે જેમાં એમેઝોન કોર્પોરેટ રેન્કના લોકો સામેલ થશે. એવું કહેવામાં આવી રહ્યું છે કે, જો રિપોર્ટમાંથી મળેલી માહિતી સાચી સાબિત થાય છે, તો તે કોઈપણ ઈ-કોમર્સ કંપનીમાં અત્યાર સુધીની સૌથી મોટી છટણી હશે. 

એમેઝોન એ નવેમ્બરથી જ છટણીની પ્રક્રિયા શરૂ કરી છે જ્યારે 10,000 કર્મચારીઓની નોકરી ગુમાવવાનો મામલો સામે આવ્યો હતો. નવેમ્બરમાં કંપનીએ તેના ઉપકરણ વિભાગમાંથી કેટલાક કર્મચારીઓને છૂટા કર્યા. જે પછી એક સ્ત્રોતે રોઇટર્સને જણાવ્યું કે, કંપની 10,000 કર્મચારીઓની છટણી કરવાની યોજના બનાવી રહી છે.