નિવેદન / તાલિબાનનો સર્વોચ્ચ નેતા હૈબતુલ્લા અખુંદઝાદા કોણ છે? તાલિબાનોએ કર્યું કન્ફર્મ

• અફઘાનિસ્તાનમાં તાલિબાને સર્વોચ્ચ નેતાની જાહેરાત કરી
• મુલ્લા હૈબતુલ્લા અખુંદઝાદા અફાઘાનિસ્તાનના સર્વોચ્ચ નેતા
•  તાલિબાની ઈરાન મોર્ડલના આધાર પર સરકાર બનાવી રહ્યા છે

મુલ્લા હૈબતુલ્લા અખુંદઝાદા અફાઘાનિસ્તાનના સર્વોચ્ચ નેતા

અફઘાનિસ્તાનમાં તાલિબાને જાહેરાત કરી છે કે મુલ્લા હૈબતુલ્લા અખુંદઝાદા તેમના સર્વોચ્ચ નેતા હશે. તોલો ન્યૂઝની એક રિપોર્ટ અનુસાર તાલિબાનને આ જાણકારી આપી છે કે અખુંદઝાદાના માતહત એક પ્રધાનમંત્રી અથવા રાષ્ટ્રપતિ દેશ ચલાવશે. તાલિબાનના સાંસ્કૃતિક આયોગના સભ્ય અનામુલ્લા સમાંગાનીએ કથિત રીતે કહ્યું કે અખુંદવાદા નવી સરકારના નેતા પણ હશે.  pajhwok.comએ તાલિબાનને રાજનીતિક કાર્યાલયના નેતા શેર મોહમ્મદ અબ્બાસ સ્ટાનિકજઈના હવાલાથી કહ્યું કે ઈસ્લામિક અમીરાત આવનારા બે દિવસોની અંદર પોતાની નવી સરકારની જાહેરાત કરશે.

 તાલિબાની ઈરાન મોર્ડલના આધાર પર સરકાર બનાવી રહ્યા છે

સૂત્રોએ પહેલા એક ન્યૂઝ ચેનલને જણાવ્યું હતું કે તાલિબાની ઈરાન મોર્ડલના આધાર પર સરકાર બનાવી રહ્યા છે. જેમાં એક ઈસ્લામી ગણરાજ્ય હશે જ્યાં સર્વોચ્ચ નેતા રાજ્યનો પ્રમુખ હોય છે. તે સર્વોચ્ચ ધાર્મિક અને રાજનીતિક વ્યક્તિ પણ હશે. ત્યાં સુધી કે આ રાષ્ટ્રપતિથી પણ ઉપર હશે.

સમાંગાનીએ કહ્યુ નવી સરકાર પર વિચાર વિમર્શ લગભગ થઈ ગયો છે

તોલો ન્યૂઝ અનુસાર સમાંગાનીએ કહ્યુ નવી સરકાર પર વિચાર વિમર્શ લગભગ થઈ ગયો છે અને કેબિનેટ અંગે જરુરી ચર્ચા પણ થઈ ચૂકી છે. અમે જે ઈસ્લામી સરકારની જાહેરાત કરીશું તે લોકો માટે મોર્ડલ હશે. સરકામાં કમાન્ડર (અખુંદઝાદા)ની ઉપસ્થિતિ પર કોઈ શંકા નથી. તે સરકારના નેતા હશે અને  આના પર કોઈ સવાલ નહીં થવો જોઈએ.

કંધારથી કામ કરશે અખુંદઝાદા?

અખુંદઝાદા ક્યારેય સામે નથી આવ્યા અને તેમના ઠેકાણા વિશે કોઈને જાણકારી નથી. મનાઈ રહ્યું છે કે નવી સરકારમાં તે કંધારથી કામ કરશે. આ દરમિયાન અપુષ્ટ  રિપોર્ટ્સના અનુસાર આગલી સરકારમાં એક પ્રધાનમંત્રીનું પદ હશે. તાલિબાન પહેલા જ વિભિન્ન પ્રાંતો અને જિલ્લા માટે ગવર્નર પોલીસ પ્રમુખ અને પોલીસ કમાન્ડર નિયુક્ત કરી ચૂક્યાછે.

ઈસ્લામિક અમીરાત દરેક પ્રાંતમાં સક્રિય છે

તાલિબાનના એક સભ્ય અબ્દુલ હનાન હક્કાનીએ કહ્યું કે ઈસ્લામિક અમીરાત દરેક પ્રાંતમાં સક્રિય છે અને પ્રત્યેક પ્રાંતમાં એક ગવર્નરે કામ શરુ કરી દીધું છે. દરેક જિલ્લામાં એક જિલ્લ ગવર્નર અને પ્રાંતમાં એક પોલીસ પ્રમુખ છે જે લોકો માટે કામ કરી રહ્યા છે.