કોરોનાકાળમાં દરેક વ્યક્તિ નાની મોટી સમસ્યાથી પીડાઇ રહ્યો છે જેમાં સૌથી મોટી સમસ્યા રોજગારીની છે. દિગ્ગજ TV એક્ટ્રેસ શગુફ્તા પણ બેરોજગારીથી પીડાઇ રહી છે.
દિગ્ગજ અભિનેત્રીને નથી મળી રહ્યું કામ
TV એક્ટ્રેસ શગુફ્તા અલીને ન મળી મદદ
સોનૂ સુદે પણ ન કરી કોઇ સહાય
જાણીતી TV એક્ટ્રેસ શગુફ્તા અલી હાલમાં ખરાબ સમયમાંથી પસાર થઇ રહી છે. હાલમાં જ તેણે જણાવ્યું કે છેલ્લા 4 વર્ષથી તે ગરીબીમાં જીવન ગુજારી રહી છે. કોરોનાના કારણે લાગેલા લૉકડાઉનમાં તેની સેવિંગ્સ 0 થઇ ગઇ અને કાર તેમજ ઘરેણા પણ વેચવા પડ્યા હતા.
શગુફ્તાએે કહ્યું કે, મારી 73 વર્ષીય માતાને મેડિકલ હેલ્પ જોઇએ છે કારણકે તેને ડાયબિટીઝ અને ગોઠણની સમસ્યા છે. હું તેમને ડૉક્ટર પાસે પણ લઇ જઇ શકતી નથી અને મારી પણ ટ્રીટમેન્ટ ચાલી રહી છે. ઇલાજ માટે પણ પૈસા નથી.
શગુફ્તાના કહ્યાં અનુસાર CINTAAએ તેમનો સંપર્ક કર્યો હતો પરંતુ તેમણે પણ મદદ કરવાથી ઇન્કાર કરી દીધો હતો. તેની સાથે જ શગુફ્તાએ સોનુ સૂદની મદદ લેવા માટે પણ પ્રયત્નો કર્યા તો સોનૂએ કહ્યું કે તે આર્થિક તંગીથી ઝઝૂમી રહેલા લોકોની મદદ નથી કરતો તે માત્ર સર્વિસ પ્રોવાઇડ કરે છે.
તમને જણાવી દઇએ કે, 20 વર્ષ પહેલા શગુફ્તા 3 સ્ટેજ બ્રેસ્ટ કેન્સરથી પીડિત હતી. હવે તે અને તેમનો પરિવાર તંગીમાં જીવન પસાર કરી રહ્યાં છે. 54 વર્ષની શગુફ્તાને 1998-99ના પોપ્યુલર શો સાસ માટે ઓળખવામાં આવે છે. નીના ગુપ્તા અને કંવલજીત સિંહ સાથે શો સે પહેલે, વે પરમ્પરા, જૂનુન અને ધ ઝી હોરર શોમાં કામ કર્યુ છે. શગુફ્તાને છેલ્લી વાર 2018માં આવેલી સિરીયલ બેપનાહમાં જોવામાં આવી હતી. ટીવી સિવાય તેમણે ઇન્ટરનેશનલ ખેલાડી, હીરો નંબર 1 અને લેલા મજનૂ જેવી ફિલ્મોમાં પણ કામ કર્યુ છે.