બદામ એક સુપરફૂડ છે, જેનાથી શરીરને અસંખ્ય લાભ થાય છે. બદામ એવા લોકો માટે સૌથી વધુ ફાયદાકારક છે, જે શારીરીક રીતે નબળા છે અથવા જે વજન ઘટાડી રહ્યાં છે. બદામ ફાઇબર અને હેલ્ધી ફેટ જેવા ઘણા પોષક તત્વોથી ભરપૂર હોય છે. અભ્યાસ પરથી જાણવા મળ્યું છે કે બદામ સ્નાયુઓથી લઇને વાળ, સ્કિન અને નખ માટે લાભકારક છે.
બદામ શરીર માટે સૌથી વધુ ફાયદાકારક
બદામ સ્નાયુઓથી લઇને વાળ, સ્કિન અને નખ માટે લાભકારક
બદામ અને કાળા ચણા પલાળીને ખાવાથી શરીરને થાય છે વધુ ફાયદા
બ્લડ પ્રેશરને કંટ્રોલમાં રાખે છે
આ રીતે કાળા ચણા મેગ્નેશિયમ અને પોટેશિયમ જેવા મિનરલ્સનો એક સારો સ્ત્રોત છે. જેના સેવનથી બ્લડ પ્રેશરને અંકુશમાં રાખવુ અને બેડ કોલેસ્ટ્રોલને ઘટાડવામાં મદદ મળે છે. તેથી આ હાર્ટના આરોગ્યને તંદુરસ્ત બનાવે છે.
બદામ અને કાળા ચણા પલાળીને ખાવાથી પાવર થાય છે ડબલ
કાળા ચણા ખાવાથી બ્યુટાયરેટને પ્રોત્સાહન મળે છે, જે એક ફેટી એસિડ હોય છે અને સોજાને ઘટાડે છે. કાળા ચણામાં રહેલા એન્ટી ઓક્સિડેન્ટ કોલન, બ્રેસ્ટ અને ફેફસાના કેન્સરના જોખમને ઘટાડે છે. બદામ અને કાળા ચણાને પલાળીને ખાવાથી ડેજર્ટમાં અથવા શાકભાજી તરીકે ખવાય છે. પરંતુ શું તમે જાણો છો કે આ બંને વસ્તુઓ એકસાથે પલાળીને ખાવાથી તેનો પાવર ડબલ થાય છે. જેનું કારણ એ છે કે આખી રાત પલાળીને રાખવાથી તેના પોષક તત્વો શોષવાની ક્ષમતા વધી જાય છે. જેને એકસાથે ખાવાથી પ્રોટીન, આયરન અને કેલ્શિયમ જેવા પોષક તત્વોની કમી દૂર થાય છે.
પ્રોટીનનો ખજાનો
પલાળેલી બદામ અને ચણામાં ભરપૂર માત્રામાં પ્રોટીન હોય છે. પ્રોટીન શરીરના સ્નાયુઓને લઇને હાડકાની તાકાત માટે પણ જરૂરી છે. એક ચમચી પલાળેલી બદામમાં લગભગ બે ગ્રામ પ્રોટીન હોય છે. આ રીતે પલાળેલા કાળા ચણામાં પણ આ પ્રકારનું પ્રોટીન હોય છે.
વજન ઘટાડવામાં સહાયક
પલાળેલા કાળા ચણા અને બદામમાં કેલરી ઓછી હોય છે અને પોષક તત્વો વધારે હોય છે. આ બંને વસ્તુઓ પ્રોટીન અને ફાઈબરનો સારો સ્ત્રોત છે અને તેનું ગ્લાઈસેમિક ઈન્ડેક્સ પણ ઓછુ છે. જેમાં રહેલ ફાઈબર તમારી ભૂખને શાંત કરે છે, જે તમને વધુ ખાવુ અથવા અનહેલ્ધી ચીજ વસ્તુઓનું સેવન કરતા રોકે છે.