અરેરાટી / અમદાવાદ : સાણંદ નજીક કાર બેકાબૂ થઈ, ડિવાઈડર કૂદીને પિતા-પુત્ર સહિત 3ને મોત આપતી ગઈ

• સાણંદ નજીક બેકાબૂ કારની અડફેટે 3ના મૃત્યુ
• કાર ડિવાઈડર કુદીને એક્ટિવા અને બાઈકને અથડાઈ
• કારચાલકને પણ ઈજાઓ થતા સારવાર માટે ખસેડાયો

મળતી પ્રાથમિક માહિતી અનુસાર અમદાવાદ જિલ્લાના સાણંદ નજીક એક કાર સાથે અકસ્માત થયો જેમાં કારની અડફેટે ત્રણના મોત થતાં ખળભળાટ મચી ગયો હતો. 

કેવી રીતે થયો અકસ્માત?

સાણંદના ગીબપુરા કામે એક કારચાલકે પોતાની કાર પર કાબૂ ગુમાવ્યો હતો. જેના પગલે બેકાબુ કાર ડિવાઈડર કૂદીને ઍક્ટિવા અને બાઈક સાથે જોરદાર અથડાઈ હતી. ઍક્ટિવા પર સવાર પિતા અને પુત્ર આ બેકાબૂ કારની અડફેટે આવ્યાં હતાં જેમાં બંનેનું મૃત્યુ નિપજ્યા હતાં. બીજી બાજુ કારચાલકને પણ ઈજાઓ થતા સારવાર માટે ખસેડાયો હતો. 

3 લોકોના કમકમાટીભર્યા મોત

આમ અમદાવાદમાં આજે આ કાર આ પિતા-પુત્ર માટે યમદૂત સાબિત થઈ હતી. જો કે હજુ સુધી ત્રણ મૃતકો કોણ હતાં અને તેમના વિશે વધુ માહિતી પ્રાપ્ત થઈ શકી નથી. હાલમાં આ અકસ્માતના પગલે આજુબાજુ અરેરાટી મચી ગઈ હતી. પોલીસે ઘટનાસ્થળે પહોંચીને આગળની કાર્યવાહી હાથ ધરી છે. ઈજાગ્રસ્તોને સારવાર્થે હોસ્પિટલમાં ખેસડાયા હતાં.