ગોપાલ ઇટાલિયાએ પોતાની પોસ્ટમાં લખ્યું કે, "તમારા વિસ્તારમાં અત્યારે વાવાઝોડાની સ્થિતિ શું છે? વિસ્તારના નામ સાથે જણાવો.." ઇટાલિયાની આ પોસ્ટના જવાબમાં એક વ્યક્તિએ મશ્કરી કરી અને વિચિત્ર માગ કરી.
ગોપાલ ઇટાલિયાએ વાવાઝોડાની પોસ્ટ કરી હતી
ભાજપના સમર્થકે પોસ્ટ પર ઇટાલિયા પાસે દારૂની બોટલ માગતી કોમેન્ટ કરી
ગોપાલ ઇટાલિયાના જવાબ બાદ બોટલ માગનારની બોલતી બંધ થઈ
ગુજરાતમાં અત્યારે એક બાદ એક આફત આવી રહી છે. કોરોનાની બીજી લહેરે અનેક ગુજરાતનીઓનો ભોગ લીધો અને તેનો કહેર ઓછો થાય ત્યા તૌકતે વાવાઝોડું ખાબક્યું. તોકતે વાવાઝોડાએ તો સૌરાષ્ટ્રના દરયિકિનારાના વિસ્તારોમાં તાંડવ મચાવ્યું અને સોરઠી ધરા ધમરોળી નાખી.
તૌકતેની મહામારીને લઈને રાજનેતાઓ પણ કામગીરીમાં જોતરાયા, પોતાની ટીમને કામ સોંપ્યું અને અસરગ્રસ્તોની ચિંતા વ્યક્ત કરી. આ હરોળમાં AAPના પ્રદેશ પ્રમુખ અને યુવાનેતા ગોપાલ ઇટાલિયાએ પણ પોતાના ફેસબૂક પેજ પર એક પોસ્ટ મુકીને વાવાઝોડાની સ્થિતિ શું છે તેવા અભિપ્રાયો મગાવ્યા.
ગોપાલ ઇટાલિયાએ પોતાની પોસ્ટમાં લખ્યું કે, "તમારા વિસ્તારમાં અત્યારે વાવાઝોડાની સ્થિતિ શું છે? વિસ્તારના નામ સાથે જણાવો.." ઇટાલિયાની આ પોસ્ટના જવાબમાં એક વ્યક્તિએ મશ્કરી કરી અને વિચિત્ર માગ કરી.
નવસારીના ઉમેશ મારડિયા હિન્દુ પ્રજાપતિ નામના યુવકે ગોપાલ ઇટાલિયાની પોસ્ટ પર કોમેન્ટ કરતા લખ્યું કે, "ગોપાલભાઈ જો મેળ પડતો હોય તો એક બ્લેન્ડર નું હાફ મળી જાવ તેવું કરો નવસારી જલાલપુર માં સોડા પાણી ની સગવડ છે ને હા 2 મિત્ર પણ છે સાથે બેસવા વાળા ને બ્લેન્ડર ના હોય તો ib પણ ચાલશે"
ભાજપના સમર્થક ઉમેશ મારડિયાએ ગોપાલ ઇટાલિયાની પોસ્ટ પર આવી કોમેન્ટ કરતા હાજર જવાબી ગોપાલ ઇટાલિયાએ એવો જવાબ આપ્યો કે, ઉમેશ મારડિયા માટે ક્ષોભજનક સ્થિતિ ઊભી થઈ. ગોપાલ ઇટાલિયાએ જવાબમાં લખ્યું કે, "Umesh Mardiya Hindu Prajapati માજી બુટલેગર અને હાલમાં નવસારીના સાંસદ સી.આર.પાટીલનો સંપર્ક કરો, મેળ પડી જાશે."
ગોપાલ ઇટાલિયાએ ભાજપના પ્રદેશ અધ્યક્ષ સી.આર. પાટીલને પૂર્વ બુટલેગર ગણાવ્યા. ઇટાલિયાના આ નિવેદનને લઈને ભાજપ તરફથી કોઈ પ્રતિક્રિયા સામે નથી આવી.