દિલ્હીમાં મટિયાલાના આમ આદમી પાર્ટીના ધારાસભ્ય ગુલાબ સિંહ યાદવને તેમની પાર્ટીના કાર્યકરોએ માર માર્યો હોવાનો વીડિયો વાયરલ થયો છે.
દિલ્હીમાં આપ ધારાસભ્ય ગુલાબ સિંહ યાદવ સાથે અભદ્ર વ્યવહાર
તેમની પાર્ટીના કાર્યકરો બેઠકમાં મારામારી કરી
ટિકિટ વેચવાના આરોપે બાજી બગડી
દિલ્હીમાં મટિયાલાના આમ આદમી પાર્ટીના ધારાસભ્ય ગુલાબ સિંહ યાદવને તેમની પાર્ટીના કાર્યકરોએ માર માર્યો હોવાનો વીડિયો વાયરલ થયો છે. દિલ્હી મ્યુનિસિપલ કોર્પોરેશન (એમસીડી)ની ચૂંટણીમાં આમ આદમી પાર્ટીના ધારાસભ્ય ગુલાબસિંહ પર ટિકિટ વેચવાનો આરોપ લાગ્યો છે. આ વાત નારાજ થયેલા આમ આદમી પાર્ટીના કાર્યકરોએ ધારાસભ્ય ગુલાબસિંહની પીટાઈ કરી હતી.
સોશિયલ મીડિયામાં વાયરલ થયો વીડિયો
આમ આદમી પાર્ટીનાધારાસભ્ય ગુલાબ સિંહ યાદવની મારપીટનો એક વીડિયો સોશિયલ મીડિયા પર ખૂબ શેર કરવામાં આવી રહ્યો છે. એમસીડી ચૂંટણી માટે ટિકિટ વહેંચણીને લઈને વિવાદમાં આવ્યા બાદ આમ આદમી પાર્ટી (આપ)ના ધારાસભ્ય ગુલાબસિંહ યાદવને 'આપ'ના કેટલાક કાર્યકરોએ કથિત રીતે માર માર્યો હતો.
पिट गए AAP के विधायक जी!
आम आदमी पार्टी विधायक गुलाब सिंह यादव को टिकट बेचने के आरोप में आप कार्यकर्ताओं ने दौड़ा-दौड़ा करके पीटा।
આપ કાર્યકરોએ પોતાના ધારાસભ્યની કરી પીટાઈ, ભાગીને જીવ બચાવ્યો
વીડિયોમાં ગુલાબ સિંહને આપના કાર્યકર્તાઓએ ઘેરી લીધા છે. અને તેમની વચ્ચે દલીલ ચાલી રહી છે. થોડા જ સમયમાં ત્યાં હાજર લોકો તેમની સાથે મારપીટ કરવા લાગે છે, ત્યારબાદ ઘણા લોકો તેમના પર તૂટી પડે છે. રોષે ભરાયેલા કાર્યકરો જોઇને ગુલાબસિંહ ત્યાંથી પોબારા ગણી ગયા હતા તેમ છતાં પણ કાર્યકરો તેમની પાછળ પડ્યાં હતા. ગુલાબસિંહ ત્યાંથી ભાગીને સીધા પોલીસ સ્ટેશન ગયા હતા અને ત્યાં ફરિયાદ નોંધાવી હતી.
ભાજપ નેતાઓએ શેર કર્યો વીડિયો
ભાજપ પ્રવક્તા સંબિત પાત્રા સહિતના પાર્ટીના ઘણા નેતાઓએ ગુલાબસિંહની પીટાઈનો વીડિયો શેર કર્યો હતો. પાત્રાએ વીડિયો શેર કરતા લખ્યું કે આમ આદમી પાર્ટીના 'પ્રામાણિક રાજકારણ'ના નાટકમાં સામેલ હોવાના અભૂતપૂર્વ દ્રશ્યો. આપનો ભ્રષ્ટાચાર એવો છે કે આપના સભ્યો પણ પોતાના ધારાસભ્યોને છોડતા નથી! આગામી એમસીડી ચૂંટણીમાં સમાન પરિણામોની તેમની રાહ જોવાઇ રહી છે.
ટિકિટ વેચવાનો ભાજપનો આરોપ ગુલાબસિંહ ફગાવ્યો
દિલ્હી ભાજપે એવું જણાવ્યું કે ગુલાબસિંહને યાદવને ટિકિટ વેચવાના આરોપમાં આપના કાર્યકરોએ માર માર્યો હતો. તેના થોડા સમય બાદ જ ધારાસભ્યએ ટ્વિટ કરીને ભાજપના આરોપોને ફગાવી દીધા હતા. તેમણે કહ્યું, ભાજપ હતાશ થઈ ગઈ છે, ભાજપ ટિકિટ વેચવાના પાયાવિહોણા આક્ષેપો કરી રહી છે, અત્યારે હું છાવલા પોલીસ સ્ટેશનમાં છું. મેં જોયું કે ભાજપના મ્યુનિસિપલ કાઉન્સિલર અને આ વોર્ડના ભાજપના ઉમેદવાર તે લોકોને બચાવવા માટે પોલીસ સ્ટેશનમાં હાજર છે, આનાથી મોટો પુરાવો શું હશે. મીડિયા અહીં હાજર છે અને ભાજપને પૂછે છે.