નિયમ / આવ્યા મોટા સમાચાર, પાન કાર્ડ પછી હવે આ ડોક્યૂમેન્ટ સાથે પણ લિંક કરવો પડશે આધાર

• હવે વોટર આઇડીકાર્ડને આધારકાર્ડ સાથે કરી શકાશે લિંક
• કાયદા મંત્રાલયની ચૂંટણીપંચને આપી લીલી ઝંડી
• આનાથી ડુપ્લિકેટ મતદારોને યાદીમાંથી હટાવી શકાશે

વોટર આઇડીને આધાર સાથે લિંક કરવાથી નકલી અને ડુપ્લિકેટ મતદારોને યાદીમાંથી હટાવી શકાશે. એ જ રીતે પ્રવાસી મતદારોને રિમોટ વોટિંગ અધિકાર આપવામાં સરળતા રહેશે.ચૂંટણીપંચે તાજેતરમાં કાયદા મંત્રાલયને પત્ર લખીને વોટર આઇડીકાર્ડને આધાર સાથે જોડવા માટે લોકપ્રતિનિધિત્વ કાયદાની જોગવાઇમાં સુધારો કરવાનો અનુરોધ કર્યો હતો.

ચૂંટણીપંચના આ પ્રસ્તાવને મોદી સરકારે લીલી ઝંડી આપી દીધી

ચૂંટણીપંચના આ પ્રસ્તાવને મોદી સરકારે લીલી ઝંડી આપી દીધી છે અને હવે મોદી સરકાર આ માટે કાયદામાં સુધારો કરશે. આ ઉપરાંત ચૂંટણીપંચે મંગળવારે એક બેઠકમાં પેઇડ ન્યૂઝ અને ચૂંટણી એફિડેવિટમાં ખોટી માહિતી આપવાના કૃત્યને અપરાધ ગણવાનો પ્રસ્તાવ પણ રજૂ કર્યો છે. હવે કાયદા મંત્રાલય ચૂંટણી પ્રક્રિયામાં બદલાવ કરવાની તૈયારીમાં છે.

વોટર આઇડીકાર્ડને આધારકાર્ડ નંબર સાથે જોડવા અંગે થઈ ચર્ચા

ચૂંટણીપંચે આપેલા પ્રસ્તાવ અનુસાર વોટર આઇડીકાર્ડ બનાવતાં પહેલાં અને મતદારયાદીમાં સામેલ લોકો પાસેથી આધાર નંબર માગવાની જોગવાઇ કરવામાં આવશે. ચૂંટણીપંચ સાથે યોજાયેલી બેઠકમાં વોટર આઇડીકાર્ડને આધારકાર્ડ નંબર સાથે જોડવા અંગે પણ ચર્ચા થઇ હતી.

આ બેઠકમાં મુખ્ય ચૂંટણી કમિશનર સુનીલ અરોરા, ચૂંટણી કમિશનર અશોક લવાસા અને સુશીલ ચંદ્રા તેમજ કાયદા મંત્રાલયના સચિવ જી. નારાયણ રાજુ ઉપસ્થિત રહ્યા હતા. કાયદા મંત્રાલયને ચૂંટણીપંચના પ્રસ્તાવને મંજૂરી આપતાં ચૂંટણીપંચને ડેટા મ‌િલ્ટપલ સ્તરે સુર‌િક્ષત કરવા નિર્દેશ આપ્યો હતો. ચૂંટણીપંચે તાજેતરમાં ડેટા લીક રોકવા માટે જરૂરી પગલાંની એક યાદી બનાવી છે.