વડોદરામાં આધાર કાર્ડને લગતી કામગીરી ખોરંભે ચઢી હોવાથી નાગરિકોને હાલાકીનો સામનો કરવાનો વારો આવ્યો છે.
વડોદરામાં ખોરંભે ચઢી આધાર કાર્ડની કામગીરી
વડોદરા મનપાના 19 આધાર કેન્દ્રો થયા બંધ
નાગરિકોએ પડી રહી છે મુશ્કેલી
ભારતમાં આધાર કાર્ડએ એક મહત્વનું ડોક્યુમેન્ટ બની ગયું છે જોકે કેન્દ્ર સરકારના આધાર કેન્દ્રની યોજના વડોદરા મહાનગરપાલિકામાં ખોરંભે ચડી છે. કોર્પોરેશનના તમામ આધાર કેન્દ્રો છેલ્લા બે માસથી બંધ હાલતમા હોવાથી લોકો ધરમના ધક્કા ખાવા મજબૂર બન્યા છે.
૧૯ આધાર કેન્દ્રોને તાળા લાગી ગયા
દેશમા યુનિક આઇડી તરીકે આધાર કાર્ડના ખુબજ જરૂરી દસ્તાવેજના આવી રહ્યો છે અને કેન્દ્ર સરકાર હવે તો આધાર કાર્ડને ચૂંટણી કાર્ડ સાથે પણ લિંક કરવા જઈ રહી છે. પરંતુ વડોદરામાં આધાર કાર્ડને લાગતી કામગીરી કરતા કોર્પોરેશનના ૧૯ આધાર કેન્દ્રોને તાળા લાગી ગયા છે. કોર્પોરેશને આર્ક ઇન્ફોસોફ્ટ કંપનીને કામ આપ્યું હતું જોકે આ કંપનીએ ઓપરેટરોએને પગારના આપતા ઓપરેટરોએ કામ બંધ કરી દીધું છે જેના કારણે કોર્પોરેશનની વોર્ડ ઓફીસમાં ચાલતા આધાર કેન્દ્રોને તાળા લાગી ગયા છે અને નાગરિકોને ખાનગી ઓપરેટરોએ પાસે આધાર અપડેટ માટે નાણાં ચૂકવવાનો વારો આવ્યો છે.
ટૂંક સમયમાં કામગીરી શરૂ કરવાનો તંત્રનો દાવો
વડોદરા મહાનગર પાલિકાએ વોર્ડ વાઇઝ આધાર કેન્દ્રો શરૂ કર્યા હતા. જેમાં કામ રાખનાર એજન્સી મેન પાવર પૂરો ન પાડી શકતા આધાર કેન્દ્રો હાલ બંધ કરાયા છે.આધાર કાર્ડમાં સુધારા વધારા માટે લોકોને ૨૫૦ રૂપિયા ચૂકવવા પડી રહ્યા છે ત્યારે કોર્પોરેશન તત્ર જાગ્યું છે અને અન્ય એજન્સીને કામ આપવાની પ્રક્રિયા ચાલી રહી હોવાનું સ્ટેન્ડિંગ કમિટીના ચેરમેન ડો હિતન્દ્ર પટેલ જણાવી રહ્યા છે. છેલ્લા ૨ મહિનાથી કેન્દ્રો બંધ હોવાથી નાગરિકોના આધાર સુધારણા માટે ધક્કા વધી ગયા છે અને લોકોના નાણાંનો પણ વ્યય થઈ રહ્યો છે ત્યારે વહેલી તકે આધાર કેન્દ્રો શરું થાય તેવી માંગ ઊઠી છે.