બહુ કરી! / ગુજરાતમાં હાઇ રિસ્ક દેશોમાંથી આવ્યા 318 પ્રવાસીઓ, લંડનથી આવેલી યુવતી તો કોરોના પોઝિટિવ

• હાઇરિસ્ક દેશમાંથી આવ્યા 33 પ્રવાસી
• વિદેશથી આવેલા 318 યાત્રીઓ હોમ ક્વોરન્ટાઈન
• લંડનથી આવેલી યુવતી કોરોના પોઝિટિવ

કોરોના અને ઓમિક્રોન વેરિએન્ટની દહેશતને પગલે હાલ મોટા ભાગના દેશો હાઈઅલર્ટ પર છે ત્યારે ભારતમાં પણ હાઈરિસ્ટ દેશોમાંથી પરત આવતા મુસાફરોને લઈ સરકાર અલર્ટ પર છે. દક્ષિણ આફ્રિકામાં કોરોનાના નવા વેરિએન્ટે હાહાકાર મચાવ્યો છે તેની ઝપેટમાં અન્ય દેશો પણ આવ્યા છે ત્યારે UKથી પરત આવેલા કેટલાક શખ્સોનો કોરોના રિપોર્ટ પોઝિટિવ આવતા તંત્ર પણ હરકતમાં આવ્યું છે. એવામાં ગઈ કાલે હાઈરિસ્ક દેશ ગણાતા UKથી 33 પ્રવાસીઓ ગુજરાતના વડોદરામાં આવ્યા છે. જ્યારે વિદેશથી ગુજરાત આવેલા 318 પ્રવાસીઓને હોમ ક્વોરોન્ટાઈ રાખવામાં આવ્યા છે. મહત્વનું છે કે ગઈ કાલે લંડનથી આવેલી યુવતી કોરોના પોઝિટિવ આવ્યો હતો તેની શંકાસ્પદ ઓમિક્રોન દર્દી તરીકે સારવાર શરૂ કરવામાં આવી છે. જ્યારે અમદાવાદ એરપોર્ટ અન્ય એક યુવતીનો કોરોના ટેસ્ટ પોઝિટિવ આવ્યો છે. તેને પણ સારવાર અર્થે ખસેડવામાં આવી છે. 

લંડનથી આવેલી યુવતી કોરોના પોઝિટિવ

અહીં ઉલ્લેખનિય છે કોરોનાનો નવો વેરિયન્ટ ઓમિક્રોનના કેસ દેશમાં સામે આવતા ભારત સરકાર દ્વારા હાલ 12 દેશોને હાઈરિસ્ક વાળા દેશોની યાદીમાં રાખ્યા છે. હાઈરિસ્કવાળા દેશોમાં સામેલ યુકેથી સપ્તાહમાં બે ફ્લાઈટ અમદાવાદ આવી રહી છે.  તો શુક્રવારે મોડી રાતે લંડનથી 236 પેસેન્જરો સાથે ફ્લાઈટ અમદાવાદ એરપોર્ટ પર આવી પહોંચી હતી તે તમામને ક્વોરોન્ટાઈ કરવામાં આવ્યા છે. આ તમામ પેસેન્જરોના એરપોર્ટ પર આરટીપીસીઆર ટેસ્ટ કરવામાં આવ્યા હતા. જેમાંથી વડોદરાની એક 22 વર્ષીય યુવતી કોરોના પોઝિટિવ મળી આવી હતી. જેને હેલ્થ ટીમ દ્વારા વડોદરાની ખાનગી હોસ્પિટલમાં દાખલ કરવામાં આવી છે. વધુમાં આ મહિલાને ઓમિક્રોન વાઈરસ છે કે નહીં તેની તપાસ માટે તેના સેમ્પલ જીનોમ સિક્વન્સ માટે પૂણે મોકલી આપવામાં આવ્યા છે. 

દર્દીઓની જયપુરની ટ્રાવેલ હિસ્ટ્રી સામે આવી

મહત્વનું છે કે ગત સપ્તાહે પણ વડોદરાની એક મહિલા યુકેથી આવ્યા બાદ પોઝિટિવ આવી હતી અને ઓમિક્રોનની લક્ષણો છે કે નહીં તે ચકાસવા સેમ્પલ પૂણે મોકલાયું હતું જેનો રિપોર્ટ હજુ સુધી આવ્યો નથી. રાજ્યમાં ઓમિક્રોનના ત્રણ કેસ સામે આવ્યા છે ત્યારે કોરોના કેસમાં પણ ઉછાળો જોવા મળી રહ્યો છે, ગઈ કાલે વધુ બે કોરોના કેસ રાજકોટમાં સામે આવ્યા છે આ દર્દીઓની ટ્રાવેલ હિસ્ટ્રી જયપુરની હોવાનું મનાઈ રહ્યું છે ઉલ્લેખનિય છે કે રાજકોટમાં છેલ્લા 11 દિવસમાં કોરોનાના 18 કેસ સામે આવ્યા છે, જ્યારે ત્રણ વૃદ્ધ પણ કોરોનાની ઝપેટમાં આવ્યા છે. અગાઉ જયપુરમાં ઉદ્યોગપતિના દિકરાના લગ્નમાં ઉદ્યોગપતિ અને પરિવારના 3થી4 સભ્યો કોરોના પોઝિટિવ થયા હતા. જયપુરમાં લગ્નમાં ગયેલા લોકો કોરોનામાં સપડાયા હોવાનું માનવામાં આવી રહ્યું છે.