સાબરકાંઠા /  VIDEO : 'આ મોદી સાહેબે બેસાડ્યા છે?', પોળો ફોરેસ્ટમાં પબ્લિકને ઉલ્લુ બનાવી લૂંટતો યુવક ઝડપાયો

• પોળો ફોરેસ્ટમાં પ્રવાસીઓ પાસેથી ઉઘરાણા
• ઉઘરાણું કરનારને મુલાકાતીએ પાઠ ભણાવ્યો
• સોશિયલ મીડિયામાં વીડિયો થયો વાયરલ

જો તેમ પોળોના જંગલમાં જવાનો હોય તો ચેતી જતા નહીંતર તેમ પણ ઉલ્લુ બની જશો કેમ કે હાલ સોશિયલ મીડિયામાં એક યુવકનો વીડિયો વાયરલ થઈ રહ્યો છે જેમાં યુવક જંગલમાં આવતા પ્રવાસીઓ પાસે ચાર્જ વસુલવા ઓફિસ ખોલીને બેઠો છે પરતું આજે સમગ્ર ઘટનાનો પર્દાફાશ થઈ ગયો છે. 

50 રૂપિયાની એન્ટ્રી ફી મામલે થયો હંગામો

કેમ કે જે યુવક પોળો ફોરેસ્ટમાં પૈસા ઉઘરાવી રહ્યો છે તેની પાસે કોઈ પરવાનો નથી કે નથી કોઈ સત્તાવાર લેટર જેના થકી તેને પૈસા ઉઘરાવવાનું કહેવામાં આવ્યું હોય છતા પણ પોળો ફોરેસ્ટમાં આવતા સહેલાણીઓ પાસેથી રૂપિયાની ઉઘરાણી કરવામાં આવતા એક જાગૃત વ્યક્તિએ તેની પાસે પૈસા ઉઘરાવવાનો લેટર અને પરમિશન અંગેનો પત્રા માંગતા સમગ્ર હકિકતનો પર્દાફાશ થયો હતો. 

સોશિયલ મીડિયામાં વીડિયો થયો વાયરલ

ઘટનાને લઈ યુવક ગભરાઈ જતા યુવકે ઓફિસમાં લગાવેલું બોર્ડ પણ હટાવી લીધું હતું અને બાદમાં ચાલતી પકડી હતી.તેની સમગ્ર વીડિયો હાલ સોશિયલ મીડિયામાં વાયરલ થઈ રહ્યો છે. ત્યારે જ્યારે પણ આપ ફોળો ફોરેસ્ટમાં જાવ તો આવા બની બેઠેલા ઠગોથી જતા ચેતી જજો 

ખોટી ઓફિસ બનાવી એન્ટ્રી ફી લેવાતી હતી

મહત્વનું છે કે અમદાવાદથી માત્ર 150 કિમી દૂર સાબરકાંઠાના વિજયનગરમાં આવેલું પોળો ફોરેસ્ટ વરસાદની ઋતુમાં સોળે કળાએ ખીલી ઉઠે છે. અહી સહેલાણીઓ પ્રકૃતિની મજા માણી શકે તેમા ફેમિલી સાથે પિકનીક પર આવતા હોય છે ત્યારે 50 રૂપિયાનો ખોટો ચાર્જ વસુલવામાં આવતો હોવાનો પર્દાફાશ થયો છે. 

વરસાદની સીઝનમાં અહીં જરૂરથી જાઓ

સાબરકાંઠાના વિજયનગર તાલુકામાં આવેલું પોળોનું જંગલ વરસાદની ઋતુમાં સોળે કળાએ ખીલી ઉઠે છે. હાલ પોળો ફેરેસ્ટની મુલાકાત માટે અહીં પ્રવાસીઓનો ધસારો જોવા મળે છે. સારા વરસાદ બાદ પોળોના જંગલો સોળે કળાએ ખીલી ઉઠે છે. ખળ ખળ વહેતી નદી, ઝરણાં જોઈને તમને કેરળની યાદ આવી જશે. 

ફેમિલી સાથે વન ડે પીકનીકની બેસ્ટ જગ્યા 

પોળો ફોરેસ્ટ જવા માટે આ સમય બેસ્ટ ગણવામાં આવે છે. કારણ કે ચોમાસાની સીઝનમાં અહીં પ્રકૃતિ સોળે કળાએ ખીલી ઉઠે છે. પણ જો તમે ફેમિલી સાથે પીકનીક પર જવા માંગતા હોવ તો ઘરેથી તમારી સાથે ભોજન પણ લઈ જઈ શકો છો. ત્યાં રાત્ર રોકાઈ શકાય તેની કોઈ વ્યવસ્થા નથી માટે તમારા સાથે પુરતો સામાન લઈને જવુ વધારે યોગ્ય રહેશે.