દારૂબંધી ક્યાં ? / રાજકોટ પોલીસને ખુલ્લો પડકાર ! બજારમાં દારૂપાર્ટીનો વીડિયો સોશિયલ મીડિયામાં વાયરલ થતા મચ્યો હડકંપ

• રાજકોટ પોલીસને દારૂડિયાઓનો પડકાર
• બજાર વચ્ચે દારૂની મહેફિલ માણવાનો વીડિયો વાયરલ
• લાલા ભરવાડે બજાર વચ્ચે પીધો દારૂ
   

ગુજરાતમાં દારૂબંધી છે ક્યાં ? આવા સવાલો અનેકવાર ઉદ્ભવે.કારણ કે ગુજરાતમાં દારૂબંધી નિયમોને નેવે મૂકતી રોજબરોજ ઘટનાઓ બને છે. બોટાદ લઠ્ઠાકાંડ બાદ પણ પોલીસ સફાળી જાગી હતી પરંતુ મહાનગરમાં એક એવો વીડિયો સામે આવ્યો છે જેણે પોલીસને પડકાર ફેંક્યો છે.

ખુલ્લેઆમ બજારમાં દારૂ પીતો વીડિયો વાયરલ

જી, હા આ ઘટના છે રાજકોટની.  રાજકોટમાં ખુલ્લેઆમ દારૂની મહેફિલ માણતો વીડિયો વાયરલ થતા પોલીસની કામગીરીની પોલ ખૂલી છે.લાલા ભરવાડે બજાર વચ્ચે દારૂ પીધો હોવાની ઘટના સામે આવી.  જો કે આ વીડિયો બનાવનારા વેપારીને લાલા ભરવાડે માર માર્યો.  જો કે વીડિયો વાયરલ થતા પોલીસ દોડતી થઇ હતી. રાજકોટના પદ્યુમન નગરમાં લાલા ભરવાડ અને વિજય નેપાળી વિરુદ્ધ ફરિયાદ નોંધાઇ.  

રાજકોટના પ્રદ્યુમન નગરમાં નોંધાઈ ફરિયાદ

પરંતુ અહીં સવાલ એ થાયછે તે લઠ્ઠાકાંડ બાદ પણ રાજકોટ પોલીસના પેટનું પાણી કેમ નથી હલતું ? આ રીતે ખુલ્લા બજારમાં દારૂ પીવાય છે પરંતુ પોલીસને જાણ શુદ્ધાં પણ નથી થતી કે પછી પોલીસ આંખ આડા કાન કરી રહી છે. ?  કોણ છાવરી રહ્યું છે લાલા ભરવાડને ? પોલીસ વિભાગ દ્વારા ક્યારે કરાશે દાખલારૂપ કાર્યવાહી ? દારૂબંધી હોવા છતાં દારૂ પહોંચે છે કેવી રીતે ? શું હજી પણ રાજકોટમાં ધમધમી રહ્યા છે દેશી દારૂના અડ્ડા ? રાજ્યના લોકોને દારૂના દૂષણમાંથી ક્યારે મુક્તિ મળશે ?