વરસાદી માહોલમાં નાના મોટા જીવજંતુઓ વધારે બહાર નીકળી આવે છે ત્યારે વડોદરાની જેમ આણંદમાં પણ મગર દેખાયો હોવાનો વીડિયો આવ્યો સામે
ચરોતરના મલાતજ દેવા ગામમાં 6 ફૂટનો મગર
ખેતરમાં આરામ ફરમાવતા મગરનો વીડિયોવાયરલ
વડોદરામાં પણ રસ્તા વચ્ચે દેખાયો મગર
એક તરફ ગુજરાતમાં વરસાદી માહોલ જામ્યો છે તો બીજી તરફ કુદરત સૌંદર્ય પણ ખીલી ઉઠ્યુ છે. જો કે આ વખતે જેમ વડોદરામાં વરસાદ આવતા મગરો દેખાઇ આવે છે તેવી જ રીતે ઘણા ગામોમાં મગર આવી ચઢ્યા હોવાનો વીડિયો સામે આવ્યા. ત્યારે આજે વધુ એકવાર મગરનો વીડિયો વાયરલ થયો છે. આ વખતે મગર કોઇના ઘરમાં કે ગટરમાં નહી પરંતુ ખેતરમાં આરામ ફરમાવતો જોવા મળ્યો.
ખેતરમાં જોવા મળ્યો 6ફૂટ લાંબો મગર
આ વીડિયો છે આણંદના ચરોતરના મલાતજ દેવા ગામનો. ગામની સીમમાં 6 ફૂટ લાંબો મગર જોવા મળ્યો. ડાંગરના ખેતરમાં આરામ કરતા આ મગરનો વીડિયો સોશિયલ મીડિયામાં વાયરલ થયો છે. અંદાજિત 100 કિલોનો મગર ખેતરમાં રખેવાળી કરી રહ્યો હોવાનું ગ્રામજનો કહી રહ્યા છે. કારણ કે મગર ગ્રામજનોને કોઇ હાનિ પહોંચાડતો નથી આથી મલાતજ દેવા ગામ મગર મિત્ર તરીકે પણ પ્રખ્યાત હોવાનો ગ્રામજનો દ્વારા દાવો કરવામાં આવ્યો છે. જો કે ખેતરમાંથી મગરને બહાર કાઢવા ખેડૂતો ભારે જહેમત ઉઠાવી રહ્યા છે પરંતુ 100 કિલોનો મગર એકલે હાથે હલે તેમ પણ નથી.
વડોદરા- ડિવાઇડર કૂદતો દેખાયો મગર
તો આ તરફ વડોદરામાં તો મગર દેખાવાની કોઇ નવાઇ જ નહી. વરસાદી માહોલને કારણે વિવિધ વિસ્તારોમાં મગર દેખાવાનો સિલસિલો યથાવત જોવા મળ્યો છે. કરજણના હુસેન ટેકરી વિસ્તારમાં રોડ પર મગર દેખાયો. રોડનું ડિવાઈડર કૂદીને જતો મગર કેમેરામાં કેદ થયો છે. રાત્રિના સમયે રોડ પર જતા મગર જોવા મળ્યો હતો. જેનો વીડિયો રિક્ષા ચાલકે મોબાઇલમાં કેદ કરી લીધો,
વિશ્વામિત્રી નદી મગરોનું રહેણાંક
મહત્વનું છે કે વડોદરાની વિશ્વામિત્રી નદીએ મગરોનું રહેણાંક સ્થાન છે. અહીં મોટી સંખ્યામાં મગરો રહે છે. જ્યારે ધોધમાર વરસાદ પડે તે પછી નદીના તળ જો ઊંચા આવે તો વડોદરા વાસીઓને મગરોનું રેસક્યુ પહેલા કરવાની ફરજ પડે. કારણ કે શ્વાન અને બિલાડીની જેમ મગર ફરતા જોવા મળે છે. વડોદરા નગરી મગરોની નગરી કહેવામાં કંઇ ખોટુ નહી કરાણ કે પાણી ભરાયા નથી કે મગર દેખાયા નથી.