આપઘાત / શિક્ષક દિને જ ગીર સોમનાથમાં શિક્ષકે આપઘાત કરી લેતા ખળભળાટ, સુસાઇડ નોટમાં લગાવ્યા ગંભીર આક્ષેપ

• શિક્ષક દિને જ શિક્ષકનો આપઘાત ! 
• ગીર સોમનાથમાં શિક્ષકે કર્યો આપઘાત
• TPEO અને આચાર્ય પર ગંભીર આક્ષેપ

આજે સમગ્ર દેશમાં શિક્ષક દિવસ તરીકે ઉજવવામાં આવે છે ત્યારે ગીર સોમનાથમાં શિક્ષક દિને જ શિક્ષકે આપઘાત કરી લેતા ખળભળાટ મચો ગયો છે. ગીર ગઢડાની થોરડી પ્રાથમિક શાળાના શિક્ષકે આપઘાત કર્યો હોવાની ઘટના સામે આવી છે. 

ગીર સોમનાથમાં શિક્ષકે કર્યો આપઘાત

મહત્વનું છે કે શિક્ષકે આપઘાત કરતા પહેલા એક સુસાઈડ નોટ પણ લખી છે જેમાં TPEO અને શાળાના આચાર્ય પર ગંભીર આક્ષેપ લગાવવામાં આવ્યા છે. તેમના પર 25 લાખ પડાવ્યા હોવાનો આક્ષેપ લગાવવામાં આવ્યો છે. આ સુસાઈડ નોટમાં TPEO અને શાળાના આચાર્ય પર ધમકી આપવાનો પણ આક્ષેપ લગાવવામાં આવ્યો છે.

TPEO અને આચાર્ય પર ગંભીર આક્ષેપ

દારૂ પીતા હોવાથી ફરિયાદ નોંધાવીશું એમ કહીને TPEO અને શાળાના આચાર્ય શિક્ષકને ધમકી આપતા હોવાનો પત્રમાં ઉલ્લાખ જોવા મળી રહ્યો છે. મહત્વનું છે કે આજે સમગ્ર દેશમાં શિક્ષક દિન મનાવવામાં આવે છે અને શિક્ષકોનું વિશેષ સન્માન કરવામાં આવે છે ત્યારે શિક્ષક દિવસે જ શિક્ષકે આપઘાત કરી લેતા અનેક સવાલો ઉભા થઈ રહ્યા છે.