ખાસ વાંચો / PM મોદીના જન્મદિવસે રસીકરણનો નહીં પરંતુ આ રેકોર્ડ સર્જાતા લંડન અને અમેરિકામાં લેવાઈ મોટી નોંધ

• વડાપ્રધાનના જન્મદિવસે સર્વાઇકલ કેન્સરના મોટા પાયે ટેસ્ટ થયા 
• એકજ દિવસમાં રેકોર્ડ બ્રેક 8500 લોકોના ટેસ્ટ થયા 
• લંડન અને અમેરિકામાં પણ લેવાઈ મોટી નોંઘ 

વડાપ્રધાન મોદીના જન્મદિવસે 17 સપ્ટેમ્બરના રોજ સર્વાઈકલ કેન્સર PAPના મોટા પાયે ટેસ્ટ કરાયા હતા. જેમા એકજ દિવસની અંદર 8500 જેટલા ટેસ્ટ કરીને રેકોર્ડ સર્જાયો હતો. જેને લઈને હાલ ભારતનું નામ વર્લ્ડ બુક ઓફ લંડન તેમજ વર્લ્ડ બુક ઓ રેકોર્ડ USમાં નોંધાયું છે. આપણા માટે ઘણીજ ગર્વની વાત કહી શકાય. 

ટેસ્ટીંગ ટીમને સી.આર.પાટીલ એવોર્ડ આપશે 

એક સાથે મોટા પાયે સર્વાઈકલ કેન્સરના ટેસ્ટ સર્જીને ભારતે રેકોર્ડ સર્જયો છે. આ રેકોર્ડને લઇને આજે સી.આર.પાટીલના હસ્તે એવોર્ડ પણ આપવામાં આવશે. જેમા ટેસ્ટની કામગીરીમાં જે ટીમ લાગી હતી તે ટીમને સન્માન સાથે એવોર્ડ આપવામાં આવશે. 

કમલમ ખાતે બપોરે એવોર્ડ આપવામાં આવશે 

બપોરના 3.30 કલાકના રોજ કમલમ ખાતે એવોર્ડ આપવામાં આવશે. જેમા જે ટીમે ટેસ્ટ કરીને રેકોર્ડ સર્જયો હતો તેમનું સન્માન પણ કરવામાં આવશે. આપને જણાવી દઈએ કે વડાપ્રધાન મોદીના જન્મદિવસના રોજ સર્વાઈકલ કેન્સર PAPના ટેસ્ટ કરવામાં આવ્યા હતા. જેમા રેકોર્ડ સર્જાયો અને વર્લ્ડ બુક ઓફ લંડન તેમજ વર્લ્ડ બુક ઓફ રેકોર્ડ USમાં આપણું નામ નોંધાયું છે. 

2 કરોડ કરતા વધુ લોકોને વેક્સિન 

ઉલ્લેખનીય છે કે વડાપ્રધાન મોદીના જન્મદિવસે ભારતમાં વેક્સિનેશન પણ સૌથી વધારે પ્રમાણમાં થયું હતું. જેમા 2 કરોડ કરતા પણ વધુ લોકોને વેક્સિન આપવામાં આવી હતી. આ સિવાય અન્ય ઘણા જગ્યાઓ પર નાના મોટા સેવાના કાર્યક્રમમો યોજાયા હતા.