હેબતાઈ જશો / VIDEO: અમરેલીમાં લુપ્ત થતી પ્રજાતિનો મહાકાય અજગર મળી આવ્યો,વિડીયો જોઈને આંખો ચાર થઈ જશે

• અમરેલીમાં 10 ફૂટ લાંબો અજગર મળ્યો
• લુપ્ત થતી પ્રજાતિનો અજગર મળી આવ્યો
• ઇન્ડિયન પાઈથનનો શેડ્યુલ-1ની પ્રજાતિ મળી

અમરેલીના અભરામ પરા ગામ પાસે આવેલા ખેતરમાં 10 ફૂટ લાંબો ઇન્ડિયન પાઈથન મળી આવ્યો છે. 10 ફૂટ લાંબા અજગરને જોઈ ખેડૂતે સાવરકુંડલા વનવિભાગને જાણ કરી છે. વન વિભાગ અને સર્પ પ્રેમીની મદદથી ખેતરમાં વિહરી રહેલા અજગરને પકડી પાડવામાં આવ્યો છે. મહાકાય અજગર જોતાં ખેડૂત પહેલા હેબતાઈ ગયો હતો. જે બાદ ગામના મિત્રો અને વન વિભાગને અજગર વિશે જાણ અપાઈ હતી. ત્યાં સુધી ખેડૂતે દૂર ઊભા રહી અજગરની રખેવાડી કરી હતી. મહાકાય અજગરની વાત સાંભળી ગામના યુવાનો ખેતર પર અજગર જોવા આવી ગયા હતા.

ઇન્ડિયન પાઈથનનો શેડ્યુલ-1ની લુપ્ત થતી પ્રજાતિનો અજગર
આ ઇન્ડિયન પાઈથનનો શેડ્યુલ-1ની લુપ્ત થતી પ્રજાતિમાં આ અજગરનો સમાવેશ થયો છે. આ અજગર અમરેલીમાં મિતિયાળા સેન્ચુરી નજીક હોવાથી ખેતર સુધી આવી ચડયાનું અનુમાન છે. આ સિવાય પણ ગુજરાતમાં અનેક જગ્યાએ લુપ્ત થતી પ્રજાતિના સરીસૃપ મળી આવે છે. વન પ્રેમીઑ તેમજ વનવિભાગ લુપ્ત થતી પ્રજાતિને બચાવવા દિવસ રાત એક કરી રહ્યા છે. સર્પ પ્રેમી અને વનવિભાગે આ અજગરને ખેતરમાંથી ઉઠાવી સુરક્ષિત સ્થળે અભ્યારણમાં મૂકી દીધો હતો.