સોશિયલ મીડિયામાં રખડતા શ્વાન સાથે જોડાયેલી એક તસ્વીર વાયરલ થઇ રહી છે. આ તસ્વીરે લોકોનું દિલ જીતી લીધુ છે. આ તસ્વીરમાં એક શખ્સ પોતાની લારી પર ઉંઘી રહ્યો છે. તસ્વીરમાં દિલને સ્પર્શી જાય તેવી વાત એ છે કે શખ્સે પોતાની લારી પર રખડતા શ્વાન માટે રહેવાની જગ્યા બનાવી છે.
સોશિયલ મીડિયામાં રખડતા શ્વાન સાથે જોડાયેલી એક તસ્વીર વાયરલ
એક વ્યક્તિએ રખડતા શ્વાન માટે લારી પર બીજો ફ્લોર બનાવ્યો
બીજા ફ્લોરમાં રખડતા શ્વાન કરી રહ્યાં છે આરામ
તસ્વીર જોઈ ગરીબ વ્યક્તિના કરશે વખાણ
તસ્વીરમાં તમે સ્પષ્ટ રીતે જોઈ શકો છો કે એક વ્યક્તિ લારી પર આરામથી ઉંઘી રહ્યો છે અને લારી પર તેણે એક બીજો ફ્લોર બનાવ્યો છે. આ ફ્લોર પર બે શ્વાન જોવા મળી રહ્યાં છે. જેમાં એક શ્વાન ઉંઘી રહ્યું છે. જ્યારે બીજુ શ્વાન બેઠુ છે. આ ગરીબ વ્યક્તિએ આ શાનદાર ઘર રખડતા શ્વાન માટે બનાવ્યું છે. આ વ્યક્તિએ ઘરને સારી રીતે સજાવ્યું પણ છે. આ ઘરમાં લાઈટો પણ લગાવવામાં આવી છે. તસ્વીરમાં તમે જોઈ શકો છો કે બંને શ્વાન ઘરમાં આરામ ફરમાવી રહ્યાં છે.
આ તસ્વીરને જોઈને તમારું હૃદય પીગળી જશે. તસ્વીરને જોઈને તમે કહેશો કે આ વ્યક્તિ ભલે ગરીબ છે, પરંતુ તેનું દિલ કેટલુ અમીર છે. આ તસ્વીરને આઈપીએસ અધિકારી દીપાંશુ કાબરાએ પોતાના સત્તાવાર ટ્વિટર એકાઉન્ટ પર શેર કરી છે. દીપાંશુ કાબરાએ તસ્વીરની સાથે દિલને સ્પર્શી જાય તેવી કેપ્શન પણ લખી છે. તેમણે કેપ્શનમાં લખ્યું, કેટલાંક લોકો એટલા ગરીબ હોય છે કે તેની પાસે આપવા માટે ફક્ત પૈસા હોય છે અને અમુક લોકો દિલના આટલા અમીર હોય છે. સોશિયલ મીડિયામાં આ તસ્વીર લોકોને ખૂબ પસંદ આવી રહી છે.