- યુપીના ઝાંસીની કૌતુકભરી ઘટના
- જે માણસની હત્યાનો કેસ ચાલતો હતો જે નીકળ્યો ઝોમેટોનો ડિલિવરી મેન
- પત્ની સાથે અણબનાવ થતા ઘેરથી ભાગી ગયો હતો
- ઘરવાળાએ પત્ની સામે પતિની હત્યાનો દાખલ કરાવ્યો હતો કેસ
- આખરે પોલીસે ઝાંસીથી પકડી પાડ્યો
યુપીના ઝાંસીમાં પત્ની સાથે અણબનાવ થતા ઘેરથી નાસી ગયેલો એક વ્યક્તિ ઝોમેટોની ડિલિવરી કરતા ઝડપાયો હતો. ઝાંસી પોલીસે આ યુવાનની ધરપકડ કરી છે. પત્નીના ત્રાસથી ઘેરથી નાસી છૂટેલા પતિની હત્યા થઈ હોવાનો કેસ ઘરવાળાએ દાખલ કરાવ્યો હતો પરંતુ આ યુવાન દોઢ વર્ષ બાદ રાંચીમાં ઝોમેટોની ડિલિવરી કરતા નજરે ચડ્યો હતો.
શું છે મામલો
ઝાંસી પોલીસના જણાવ્યાનુસાર, ફતેહપુરનો રહેવાશી જિયા ઉર રહેમાન અને ઉન્નાવની સુફિયા ખાતૂને 2001માં લગ્ન કર્યાં હતા. બન્નેને સંતાનમાં એક પુત્ર છે. લગ્ન બાદ બધાની જેમ તેમની વચ્ચે અણબનાવ થવા લાગ્યો હતો. તે ઉપરાંત બન્ને વચ્ચે દરરોજ ઝગડા થતા હતા આથી કંટાળીને રહેમાન ઘેરથી ભાગી ગયો હતો અને ત્યાં ઝોમેટોમાં નોકરી શરુ કરી હતી. પુત્ર ગુમ થતા માતાએ પુત્રવધૂ અને તેના પરિવારના સભ્યો સામે હત્યાનો કેસ દાખલ કર્યો હતો. પોલીસ આ કેસની તપાસ કરી રહી હતી અને ઝિયાઉર રહેમાનને શોધવામાં લાગી હતી અને અચાનક આજે પોલીસને ઝોમેટોમાં નોકરી કરતો એક શખ્સ મળ્યો હતો. પૂછપરછમાં તેણે બધું કહી દીધું હતું. આ પછી પોલીસે તેને ધરપકડ કરી લીધી હતી.
માતાએ પુત્રની હત્યાનો ખોટો કેસ લખાવ્યો
હકીકતમાં તેની માતાએ પુત્રની હત્યાનો ખોટો કેસ લગાવ્યો હતો. તેણે તપાસ કરી નહોતી કે તેનો પુત્ર ક્યાં છે, પુત્ર પત્નીના ત્રાસથી કંટાળીને ઝોમેટોની નોકરી કરવા લાગ્યો હતો.
