રાજકોટ ગોંડલ માર્કેટયાર્ડ પાસે કપાસના ગ્રાઉન્ડમાં એક મહિલા પર લોડર ફરી વળતા મહિલા નું ઘટના સ્થળે મોત, પરિવારજનોમાં મોતનો માતમ છવાયો
ગોંડલના નવા માર્કેટયાર્ડમાં દુર્ઘટના
લોડર નીચે આવી જતા મહિલાનું મોત
ગાંસડીઓ ભરેલું લોડર મહિલા પર ફરી વળ્યું
રાજકોટમાં એક મહિલાનું કર્પિણ મોત નિપજ્યું છે. મહિલા જ્યારે કપાસના ગ્રાઉન્ડમાં કામ કરી પરત ફરી રહી હતી ત્યારે અચાનક માતેલા સાંઢની માફક આવી ચઢેલું લોડર મહિલા પર ફરી વળ્યું હતું. જ્યાં મહિલાનું કરુણ મોત નિપજ્યું હતું.
લોડર નીચે આવી જતા મહિલાનું મોત
લોડર ફરી વળતા સ્થાનિકો મદદ માટે દોડી આવ્યા હતા પરતું મહિલાને સારવાર અર્થે ખસેડવામાં આવે તે પહેલા જ મોત નિપજ્યું હતું. ઘટના બાદ લોડર ચાલકની બેદરકારી સામે આવતા સ્થાનિકોએ તેને પકડીને મેથીપાક ચખાડ્યો હતો જ્યારે સમગ્ર મામલે પોલીસને જાણ કરતા પોલીસે મહિલાના મૃતદેહને પીએમ અર્થે ખસેડીને આગળની કાર્યવાહી હાથ ધરી હતી.
ગાંસડીઓ ભરેલું લોડર મહિલા પર ફરી વળ્યું
અવાર નવાર અકસ્માતના બનાવ બનતા હોય છે જેમાં બેદરકારીને પગલે અકસ્માતનું પ્રમાણ વધી જાય છે એવામાં ગોંડલના નવા માર્કેટયાર્ડમાં અકસ્માત ઘટના સામે આવી જેમાં મહિલાની બેદરકારી અને વાહન ચાલકની ભૂલને કારણે અકસ્માત સર્જયો હતો. કપાસના ગ્રાઉન્ડમાં એક મહિલા ઘરે પરત ફરી રહી હતી ત્યારે તેના પર લોડર ફરી વળતા મહિલા નું ઘટના સ્થળે મોત થયું હતું. આ ઘટનાની જાણ પરિવારજનોને થતા પરિવારમાં મોતનો માતમ છવાઈ ગયો હતો. મૃતક મહિલા ગોંડલ તાલુકાના શ્રીનાથગઢ ગામના રહેવાસી છે.