શ્રદ્ધા / મહિષાસુરનો વધ થયો હતો તેવી ગુજરાતની આ જગ્યાએ શ્રદ્ધાળુઓનો ભારે ધસારો, નવરાત્રીમાં માઈના દર્શન ફળદાયી

• શક્તિના મહાપર્વનો શુભારંભ
• નાના અંબાજીમાં ભક્તોની જામી ભીડ
• શ્રદ્ધા અને આસ્થાનો સમન્વય

ભક્તિ અને શક્તિના પર્વ એવા ચૈત્ર સુદ નવરાત્રીની શરૂઆત થઈ ગઈ છે. ત્યારે સાબરકાંઠા જિલ્લાના નાના અંબાજી એટલે કે ખેડબ્રહ્મામાં આવેલા અંબાજી મંદિરમાં ભક્તોની ભીડ જામી હતી. આસ્થા અને ઉમંગનો સમન્વય નિમિતે ભકતોએ માં ભગવતીની પ્રાર્થના કરી હતી. જગતજનનીનાં ખોળે માથું નમાવીને ધન્યતા અનુભવવા માટે મોટી સંખ્યામાં ભક્તોનો અવિરત પ્રવાહ હાલમાં માતાજીના ધામમાં આવી રહ્યો છે. માત્ર ગુજરાત જ નહિ પણ રાજસ્થાન અને મહારાષ્ટ્રથી પણ શ્રદ્ધાળુઓ અહીં મોટી સંખ્યામાં ભક્તોએ દર્શનનો લાભ લીધો હતો.

 
આસ્થાનો સૌથી મોટા તહેવાર

ખાસ કરીને ચૈત્રી નવરાત્રીમાં મંદિર સવારના ૭ વાગ્યાથી સાંજે ૯ વાગ્યા સુધી ભક્તોના દર્શન માટે ખુલ્લુ રહે છે.આસ્થાના સૌથી મોટા તહેવાર એવા નવરાત્રીમાં આ મંદિરમાં રાત્રિ દરમિયાન ગરબાનુ આયોજન પણ કરવામાં આવ્યું છે. આમ ચૈત્રી નવરાત્રીમા ભક્તોને આખો દિવસ માતાજીના દર્શનનો લાભ મળશે તો આ ઉપરાંત રાત્રી દરમિયાન ગરબે ઘુમવા પણ મળશે.પાંચસો કિલોમીટરથી પણ વધુ અંત્તર કાપીને અહી આવતા શ્રદ્ધાળુઓનો થાક પણ માના દર્શન માત્રથી ઉતરી જાય છે તેવો અહીનો માહોલ છે.

લોક વાયકા પ્રમાણે મહિષાસુરનો વધ અહીં થયો હતો

એક લોક વાયકા પ્રમાણે આ જગ્યાએ જ માતાજીએ મહિષાસુરનો વધ કર્યો હતો. મહિષાસુરના ત્રાસથી લોકોને બચાવવા માટે અહીં જ માતાજીએ પોતાનું પ્રકટ સ્વરૂપ બતાવ્યું  હતું અને અહીં થી જ  માતાજીની જ્યોત ગબ્બર ગોખ લઈ જવામાં આવી હતી. એટલે જ આ યાત્રાધામાં શ્રદ્ધાળુઓને ઊંડી આસ્થા છે. ચૈત્રી નવરાત્રીના ઘટસ્થાપનના દિવસે વહેલી સવારે ૬ વાગે ઘટ સ્થાપન કર્યા બાદ આરતી કરવામાં આવી હતી, પછી ૨૫ કિલો દૂધ થી માતાજીનો અભિષેક કરાયો અને ઘજા પણ ચઢાવવામાં આવી હતી.