ધુમાડો બહાર ન નીકળતા કાચ તોડવા પડ્યા, સદનસીબે મોટી દુર્ઘટના ટળી
સિંધુ ભવન રોડ પર આવેલ અરિસ્તા કોમ્પ્લેક્ષમાં આગ
કવિની સ્પા માં અચાનક લાગી આગ
આગ લાગી ત્યારે ગ્રાહકો અંદર હાજર હતા
અમદાવાદના સિંધુ ભવન રોડ પર સ્પાની શોપમાં આગ લાગતા અફરાતફરી મચી હતી. સ્પામાં દિવાળીના તહેવાર હોવાથી ગ્રાહકોની ભીડ હતી તે સમયે અચાનક જ આગ ભભૂકી ઉઠતા દુકાનની અંદરના સ્ટાફ તેમજ ગ્રાહકોના જીવ તાળવે ચોટયા હતા. સ્પા ચારેય કોરથી પેક હોવાથી આગના ધુમાડો અંદર ભરાઈ ગયો હતો. સદનસીબે બહારની સાઈડના દરવાજાના કાચ તોડી ગ્રાહકોને સુરક્ષિત બહાર કઢાયા હતા.
અમદાવાદ શહેરનો પોશ વિસ્તાર એટલે સિંધુ ભવન રોડ, અને આ રસ્તા પર આવેલી કવિની સ્પા માં અચાનક આગ લાગી જતાં દોડધામ મચી હતી. કવિની સ્પામાં તહેવાર ટાણે ગ્રાહકોનો પણ જમાવડો હતો એટલામાં શોર્ટ સર્કિટના કારણે જોત જોતામાં આગે વિકરાળ રૂપ ધારણ કરી લીધું હતું. ગ્રાહકો સહિત કવિની સ્પાનો સ્ટાફ અંદર જ ભરાઈ ગયો હતો. એક તરફ આગ હતી તો બીજી તરફ ગ્રાહકોને માથે ગૂગળામણનો ખતરો તોળાઈ રહ્યો હતો. કારણ કે સપા ત્રણ બાજુ પેક હતો જેથી આગળના ભાગના કાચના દરવાજા તાત્કાલિક તોડી નાખવામાં આવ્યા હતા અને સુરક્ષિત રીતે તમામ ગ્રાહકોને બહાર કઢાયા હતા.
આગ પર કાબૂ મેળવવા ફાયર વિભાગને જાણ કરતાં દોડી આવી હતી. સદનસીબે કોઈ જાનહાની થઈ ન હતી પણ કવિની સ્પાના માલિકને આગ લાગવાથી મોટું નુકસાન થયું છે કારણ કે લગભગ બધો જ સામાન આગમાં બળીને ખાક થઈ ગયો છે.