અમદાવાદ / ઓમિક્રોન વેરિયન્ટને લઇને અમદાવાદ સિવિલ હોસ્પિટલમાં કરી દેવાઈ આ મોટી તૈયારીઓ

• અમદાવાદમાં ઓમિક્રોને લઈને તંત્રની તૈયારી
• સિવિલ હોસ્પિટલમાં કરાઈ તમામ તૈયારીઓ
• સિવિલ હોસ્પિટલના સુપરિન્ટેન્ડન્ટનું નિવેદન

કોરોનાના નવા વેરિઅન્ટ ઓમિક્રોન મુદ્દે તંત્રએ તૈયારીઓનો દોર શરૂ કર્યો છે..માનવામાં આવી રહ્યું છે કે કોરોનાનો આ નવો વેરિએન્ટ એ ડેલ્ટ વેરિએન્ટ કરતા પણ ઘાતક છે ત્યારે આ વખતે આરોગ્ય વિભાગે અગાઉથી તૈયારીઓ શરૂ કર દીધી છે. જેના માટે 1200 બેડની કોવિડ હોસ્પિટલ પણ રિઝર્વ રાખવામાં આવી છે. જ્યારે સિવિલ હોસ્પિટલનું તંત્ર પણ સજ્જ બન્યું છે જેના ભાગ રૂપે 350 વેન્ટિલેટર બેડ, 850 ઓક્સિજન બેડ તેમજ 20 હજાર લીટરા 2 ઓક્સિજન ટેન્ક પણ ઉપલબ્ધ રાખી દેવામાં આવ્યા છે. સમગ્ર તૈયારીઓની વાત કરતા સિવિલ હોસ્પિટલના સુપ્રિટેન્ડેન્ટ ડૉ. રાકેશ જોશીએ જણાવ્યું કે બીજી લહેરની સરખામણીએ તંત્ર સચેત છે જરૂર પડે તો સિવિલ મેડિસિટીમાં 3 હજાર બેડની ક્ષમકા કરાશે, જેથી પ્રથમ અને બીજી લહેર દરમિયાન જે સમસ્યા સર્જાઈ હતી તે નહીં સર્જાઈ, ડોક્ટરના જણાવ્યા મુજબ ક્લાસ 1થી 4 સુધી તમામ સ્ટાફ ટ્રેનિંગ સાથે સ્ટેન્ડબાય રાખી દેવામાં આવ્યો છે.. 

દેશ અને અનેક રાજ્યોમાં કોરોના સંક્રમણ કાબૂમાં

હાલ દેશ અને અનેક રાજ્યોમાં કોરોના સંક્રમણ કાબૂમાં છે જો કે કોરોનાનો નવો વેરિઅન્ટ ભારતમા ન પ્રવેશે તેને લઈને કેન્દ્ર સરકાર અને રાજ્યોની સરકાર દ્વારા પણ ખાસ નીતિ અને ગાઈડલાઈન જાહેર કરાઈ છે.. જો કે ભારતમાં વેક્સિનેશ સારુ એવું થયું હોવાથી અગાઉ કોરોનામાં પ્રથમ અને બીજી લહેર દરમિયાન જે પરિસ્થિતિ સર્જાઈ હતી તેવી પરિસ્થિતિ સર્જાવાની શક્યતાઓ ખૂબ ઓછા પ્રમાણમાં જોવાઈ રહી છે.. 

ઈન્ટરનેશનલ ફ્લાઈટના ભાડામાં વધારો

મહત્વનું છે કે હજુ સુધી ભારતમાં એમિક્રોમ વાયરસની હજુ સુધી કોઈ પૃષ્ઠી થઈ નથી. ત્યારે દુનિયા કેટલાક દેશોમાં એમિક્રોમ વેરિયન્ટની અસર જોવા મળી રહી છે  જેને લઈને ઈન્ટરનેશનલ ફ્લાઈટના ભાડામાં વધારો થયો છે. વિદેશ યાત્રા બે થી ત્રણ ઘણી થઇ મોંઘી જેમાં  યુકે, યુએસએ, ઓસ્ટ્રેલીયા, કેનેડાની ફ્લાઇટના ભાડા વધ્યા છે, વિદ્યાર્થી વર્ગ વહેલી તકે વિદેશ જવા ઇચ્છુક હોવાથી એરલાઇન્સ કંપનીઓ પણ ફાયદો ઉઠાવી રહી છે.. વિદ્યાર્થીઓ યુકેના જનરલ 45 હજારના ભાડા સામે અત્યારનું ભાડુ 90 હજાર પહોંચ્યું છે, યુએસએના વન વે 60 હજારના ભાડા સામે હાલ 1.30 લાખ ભાડું થયું છે, જ્યારે કેનેડાના 70 થી 80 હજારના ભાડા સામે અત્યારે દોઢ લાખથી વધુ ભાડું અને ઓસ્ટ્રેલીયાના 60 થી 70 હજારના ભાડા સામે અત્યારે દોઢ લાખથી વધુ ભાડું પહોંચ્યું છે.  હાલ ઓમિક્રોનના કારણે બોર્ડર સીલ થવાના ભયથી લોકો વહેલી તકે વિદેશ જવા ઇચ્છુક બન્યા છે તો જાન્યુઆરી સુધીની મોટા ભાગની ફ્લાઈટની ટિકિટો બુક થઈ ગઈ છે..ફ્લાઈટના ભાડામાં છેલ્લા ત્રણ અઠવાડિયામાં મોટો ઉછાળો આવ્યો છે.