છોટાઉદેપુરમાં શિક્ષકે સગીરા સાથે તો રાજકોટમાં 6 વર્ષની બાળકી પર માસાએ દુષ્કર્મ કર્યું, પોલીસ ફરિયાદ નોંધતા કાર્યવાહી તેજ
ગુજરાત પર દુષ્કર્મનો દાગ
છોટાઉદેપુરમાં શિક્ષક ભાન ભૂલ્યો
રાજકોટમાં માસાએ સંબંધો શર્મસાર કર્યા
રાજ્યમાં છેલ્લા ઘણા સમયથી દુષ્કર્મની ઘટનામાં દિન-પ્રતિદિન વધી રહી છે. દિકરીઓ હોય કે પછી મહિલા. સુરક્ષાને પર મોટો પ્રશ્નાર્થ મુકાઇ ગયો છે. કળીયુગમાં વિશ્વાસ કોની પર કરવો તે સવાલ ઊભો થયો છે. પિતા-પુત્રી અને ભાઇ બહેનના સંબંધઓને લજવતી ઘટનાઓ સામે આવે છે. નોકરીનું સ્થળ હોય કે પછી ઘરની ચાર દિવાલ. મહિલા- દિકરી સુરક્ષાને લઇને રોજબરોજ ચોંકાવનારી ઘટનાઓ બની રહી છે. ત્યારે રાજકોટ અને છોટાઉદેપુરની આજની ઘટનાઓએ ક્યાંય માસા-ભાણીનો સંબંધ લજવ્યો છે તો ક્યાંક શિક્ષકે માનવતાની તમામ હદ વટાવી છે.
6 વર્ષની બાળકી પર માસાએ જ આચર્યું દુષ્કર્મ
રાજકોટમાં આજે દુષ્કર્મની ચોંકાવનારી ઘટના સામે આવી છે. 6 વર્ષ 6 મહિનાની બાળકી સાથે દુષ્કર્મ થતાં ખળભળાટ મચ્યો છે. બાળકીના માસાએ જ મોબાઇલ જોવાની લાલચ આપી હવસનો શિકાર બનાવી છે. શાપર-વેરાવળ ઇન્ડસ્ટ્રીયલ વિસ્તારની આ ઘટનાએ માતા પિતાને વિચારતા કરી દીધા છે. હવે હવસની લાયમાં સંબંધો પણ શર્મસાર થઈ રહ્યા છે. ફૂલ જેવી બાળકીને પીંખી નાખતા ગુજરાતભરમાં રોષની લાગણી છે. બાળકીના મા-બાપે તાત્કાલિક પોલીસ ફરિયાદ કરી દેતા આરોપી વિક્રમ મકવાણાની પોલીસે ધરપકડ કરી છે.
14 વર્ષીય સગીરા ઉપર શિક્ષકે આચર્યું દુષ્કર્મ
તો બીજી તરફ છોટાઉદેપુરમાં શિક્ષક ભાન ભૂલ્યો છે. માનસીક બીમાર 14 વર્ષીય સગીરા પર નજર બગાડી શિક્ષકે દુષ્કર્મ આચર્યું હોવાની ઘટના ઘટી છે. શિક્ષક બાળકોના ભવિષ્યનું ઘડતર કરે છે પણ તેનાથી ઊલટું અહી તો શિક્ષકે 14 વર્ષીય માનસિક બીમાર સગીરા પર રેપ કરી હવસ સંતોષી તેનું જીવન બરબાદ કરી નાખ્યું છે. સમગ્ર મામલે પોલીસ ફરિયાદ નોંધાતા આરોપી નરાધમ શિક્ષકને પકડવા પોલીસે ચક્રો ગતિમાન કર્યા છે.