મહેસાણા / ક્રુરતાની હદ,  9 વર્ષની માસુમ બાળકીને પિતાએ જ દીધા ધગધગતા ડામ, 3 માસથી મારતો હતો ઢોરમાર

• 9 વર્ષની દીકરીને ડામ આપવા મામલે પિતા સામે મહેસાણામાં ફરિયાદ
• છૂટાછેડા બાદ દીકરીને સામાજિક સમજૂતીથી પિતા લઈ ગયો હતો
• રોટલી શેકવાના ચીપિયાને ગરમ કરીને બાળકીને દેવાયા ડામ

9 વર્ષની દીકરીને ડામ આપવા મામલે અમદાવાદના ચાંદલોડિયા વિસ્તારમાં રહેતા રબારી જીતુ ગફૂર સામે મહેસાણામાં ફરિયાદ નોંધાઈ છે. જે અંગે કડીના બલાસર ગામના બાળકીના મામાએ  પોલીસ મથકમાં ગુન્હો દાખલ કરાવી તપાસ હાથ ધરી છે. જે ને લઇને પોલીસે તપાસ હાથ ધરી છે ત્યારે 9 વર્ષની માસૂમ બાળકી સાથે આ તો કેવી ક્રુરતા? તે અંગેના લોકોમાંથી સવાલો ઊભા થયા છે. 

બાળકીને રોટલી શેકવાના ચીપિયાથી દીધા ડામ
આ અંગે જાણવા મળતી વિગત અનુસાર કડીના બલાસર ગામે રહેતા જામાભાઈ રબારીની બહેનના છૂટાછેડા થયા હતા. છૂટાછેડા બાદ પણ 9 વર્ષીય ભાણી મામાને ઘરે રહેતી હતી. પરંતુ સામાજિક સમજૂતીથી પિતા બાળકીને પોતાની સાથે લઇ ગયો હતો. જ્યા ઘરે લઈ જઇ અત્યાચાર ગુજારવાનું  શરૂ કર્યું હતું. છેલ્લા 3 માસથી પિતા જીતુ રબારી બાળકીને ઢોરમાર મારતો હતો. એટલું જ નહિ હેવાન પિતાએ રોટલી શેકવાના ચીપિયાને ગરમ કરીને ધગધગતા ડામ દેતા બાળકીની હાલત ગંભીર બની હતી. ત્યારબાદ આ અંગે જાણ બાળકીના મામાને થતા બાળકીને હોસ્પિટલ ખસેડવામાં આવી હતી. 

ડામ દેવાથી આશરે બે માસ આગાઉ બાળકીનું થયું હતું મોત
આશરે બે માસ આગાઉ ડામ દેવાથી બાળકીનું મોત નીપજ્યું હોવાનું સામે આવ્યું હતું. ગાંધીધામના એરપોર્ટ ચોકડી નજીકના અંબાજી ચાર રસ્તા પાસે રહેતી 11 વર્ષની બાળકીને તાવ અને કમળો આવ્યો હતો. જે બાદ પરિવારે બાળકીને હોસ્પિટલ લઈ જવાને બદલે અંધશ્રદ્ધા તરફ દોરાઈ ભચાઉ ભુવા પાસે લઈ ગયા હતા. જ્યાં પાડોશીએ અગરબત્તી વડે ડામ દેતા બાળકીની હાલત ગંભીર થઇ હતી આથી તેણીને તાત્કાલીક સારવાર માટે રાજકોટ સિવિલ હોસ્પિટલમાં ખસેડવામાં હતી. ત્યારે આજે 2 દિવસની ટુંકી સારવાર બાદ દીકરીએ તરફડીને જીવ ગુમાવ્યો હતો.