ભારતીય ક્રિકેટર વિરાટ કોહલી અને બોલીવુડ અભિનેત્રી અનુષ્કા શર્માની 9 મહિનાની દીકરીને ઓનલાઈન હેટર્સ દ્વારા બળાત્કારની ધમકી આપવામાં આવી છે. જે સંદર્ભે દિલ્હી મહિલા આયોગ દ્વારા દિલ્હી પોલીસને નોટીસ આપ્યાં બાદ અનુષ્કાના એક નજીકના સુત્રોએ જણાવ્યું છે કે અનુષ્કાએ પોતાની પુત્રી અંગે શું પ્રતિક્રિયા આપી છે.
વિરાટ-અનુષ્કાની દીકરીને ઓનલાઈન હેટર્સ દ્વારા મળી દુષ્કર્મની ધમકી
પાકિસ્તાન સામે ભારતીય ટીમ હાર્યા બાદ શરૂ થયો હતો સિલસિલો
અનુષ્કાના નજીકના સુત્રોનો દાવો, હવે અનુષ્કાને આવ્યો છે ગુસ્સો
ભારતીય ટીમની હાર બાદ શરૂ થયો સિલસિલો
ભારતીય ક્રિકેટર મોહમ્મદ શમીને 24 ઓક્ટોબરે ICC પુરૂષ ટી-20 વિશ્વ કપમાં પાકિસ્તાન સામે ભારતીય ટીમ હાર્યા બાદ સતત ટ્રોલ અને અપશબ્દો ભાંડવામાં આવ્યાં હતા. ભારતીય ટીમના કેપ્ટન વિરાટ કોહલી શમીના સમર્થનમાં સામે આવ્યાં હતા અને ઓનલાઈન સ્પિનલેસ નારો આપ્યો હતો. ત્યારબાદ હેટર્સે વિરાટની 9 મહિનાની દીકરીને નિશાને લીધી હતી.
તુટ્યુ અનુષ્કાનું દિલ
હવે અનુષ્કાના એક નજીકના સુત્રોએ કહ્યું છે કે અનુષ્કાનું દિલ તુટ્યુ છે અને કોઈ પણ માતાની જેમ તેને પણ આક્રોશ આવી રહ્યો છે. એક સૂત્રના હવાલાને ટાંકીને કહ્યું, લોકોની નજરમાં એક સેલિબ્રિટી તરીકે અનુષ્કાએ દરેક ટ્રોલિંગ અને નકારાત્મકતા માટે અક અલગ દીવાલ બનાવી છે. અનુષ્કા એક મજબુત મહિલા છે, જે નકારાત્મક લોકોની વાતચીતથી પ્રભાવિત થતી નથી. પરંતુ આ વખતે પાણી માથેથી ઉપર ચઢી ગયુ છે. અનુષ્કા અને વિરાટ પણ સોશિયલ મીડિયામાં સક્રિય છે અને તેમને ખબર છે કે તેની દીકરી અંગે કેવી વાતચીત થઇ રહી છે. આ ટીપ્પણીને લઇ અનુષ્કાનું દિલ તુટી ગયુ છે. દરેક માતાની જેમ અનુષ્કાને ગુસ્સો આવી રહ્યો છે.
સુત્રએ વધુમાં કહ્યું કે જો અનુષ્કાની વાત કરીએ તો અનુષ્કા હવે આ બધુ બંધ કરી દેશે અને હંમેશાની જેમ સોશિયલ મીડિયાનો ઉપયોગ ના કરે. સૂત્રએ વધુમાં કહ્યું, અનુષ્કા આક્રોશિત છે. તે થોડા દિવસ માટે આ બધુ બંધ કરી દેશે અને દરરોજની જેમ સોશિયલ મીડિયાનો ઉપયોગ શરૂ કરશે. અત્યારે તહેવારોની સિઝન ચાલી રહી છે અને તે ઈચ્છતી નથી કે આ બધી ખોટી વાતો તેની પોઝીટીવ એનર્જીને પરેશાન કરે.