ઊજવણી / 87માં એરફોર્સ ડે નિમિત્ત વડોદરામાં જોવા મળ્યા અવનવા આકાશી કરતબ

• આકાશમાં એરોબેટિકસની કવાયત જોવા મળી
• પેરાસૂટર્સો 8 હજાર ફૂટની ઉંચાઈથી કૂદકા માર્યા હતા
• સારંગ ટીમના જાબાંજ પાયલોટ કર્યા હતા કરતબ

87માં એરફોર્સ ડે ની ઉજવણી નિમિત્તે એર-શો યોજવામાં આવ્યો છે. વડોદરામાં આજે આ એર-શોમાં દિલધડક કરતબ જોવા મળ્યા હતા. વિદ્યાર્થીઓ સારંગ હેલિકોપ્ટરને નિહાળીને રાજીના રેડ થઈ ગયા હતા.  જગુઆર ફાઈટર ફોર્મેશન ફ્લાઈંગની આકાશ ગંગા ટીમ અવનવા આકાશી કરતબ બતાવ્યા હતા. 

આકાશ ગંગા ટીમના સ્કાય ડાયવિંગ સ્ટન્ટ
આકાશ ગંગા ટીમના સ્કાય ડાયવિંગ સ્ટન્ટ રોમાંચ ખડો કરી દેવા માટે પૂરતા હતા.  આકશ ગંગાની ટીમ સ્કાય ડાયવિંગ, એર શો, એરોબેટિકસ વગેરે જેવા કરતબ આકાશમાં કર્યા. આ કારીગરી સારંગ ટીમના જાબાંજ પાયલોટ કરી હતી. આકાશમાં એરોબેટિકસની કવાયત જોવા મળતા લોકો દંગ રહી ગયા હતા.  

શું શું હતુ જોવા જેવુ
ગરૂડ કમાન્ડો AN32 વિમાનમાં એન્જીન રનિંગ ઓપરેશન કર્યુ હતુ.  જ્યારે હેલિકોપ્ટરમાંથી સ્લિથરિંગ ઓપરેશન તમારા રૂવાંડા ખડા કરી દીધા હતા. ફાયટર, ટ્રાન્સપોર્ટ, હેલિકોપ્ટરનુ પ્રદર્શન યોજવામાં આવ્યુ હતુ. અને મિસાઈલ સિસ્ટમ અને રડાર શોનું પણ પ્રદર્શન થયુ હતુ. પેરાસૂટર્સો 8 હજાર ફૂટની ઉંચાઈથી કૂદકો મારીને દિલ ધડક  દ્રશ્યો ખડા કરી દીધા હતા.