સુરતઃ થોડા દિવસ અગાઉ સુરતમાંથી મળી આવેલી 8 વર્ષની બાળકીના દુષ્કર્મ અને હત્યા મામલે મહત્વના સમાચાર મળ્યા છે. બાળકીના બળાત્કાર અને હત્યા મુદ્દે સુરત પોલીસને મહત્યની કડીઓ મળી છે.
બાળકીની ઓળકને લઇને પોલીસ એક પરિવારના સંપર્કમાં આવી છે. બાળકી રાજસ્થાનથી ઓક્ટોબર મહિનામાં ગુમ થઇ હતી. બાળકીના પિતા મળી આવ્યા છે. પોલીસ DNA દ્વારા બાળકી અને પરિવારની તપાસ કરશે.
સુરત પોલીસ દેશભરની પોલીસનો સંપર્ક કર્યો હતો. પોલીસે દરેક ટ્રેનમાં બાળકીના પોસ્ટર લગાવ્યા હતા. બાળકી આંધ્રપ્રદેશની હોવાનું ખુલ્યું છે. આ સમગ્ર માહિતી સુરત પોલીસ કમિશ્નર સતીષ શર્મા દ્વારા આપવામાં આવી છે.
ઉલ્લેખનીય છે કે બાળકી સાથે થયેલા દુષ્કર્મ મામલે પોલીસ કમિશનર સતીષ શર્માએ પ્રેસ કોન્ફરન્સ યોજી હતી. દુષ્કર્મ મામલે અનેક વિગતો સામે આવી હતી. 8 હજાર બાળકોના ગુમ થયાના કેસ સાથે વેરીફાઇ કર્યુ હતું. રૂ.20 હજારનું ઇનામ જાહેર કર્યુ હતું.
દેશના તમામ રાજ્યોના પોલીસ સ્ટેશનોમાં બાળકીનો ફોટો મોકલવામાં આવ્યો હતો. અન્ય રાજયોના ડેટા પોલીસ ચેક કરી રહી હતી. મૃતદેહ સ્થળેથી કોઇ પુરાવા મળ્યા નહતા. આ સમગ્ર ઘટનાની તપાસ ક્રાઇમબ્રાંચને સોંપાઇ હતી. ત્યારે આજે પોલીસને આ મામલે મોટી સફળતા મળી છે. બાળકીના પિતા મળી આવ્યા છે.