મોંઘવારી ભથ્થું / હવે હાથમાં પૈસા ! કેન્દ્રીય કર્મીઓના DA વધારાનું સરકારી નોટિફિકેશન જાહેર, બીજો મોટો લાભ તો આ મળશે

• કેન્દ્રીય કર્મચારીઓનાં DAમાં થયો વધારો
• નાણા મંત્રાલયે આપી મંજૂરી
• છ માસિક DAમાં  4% વધારો

સરકારે કેન્દ્રીય કર્મચારીઓનાં મોંઘવારી ભથ્થાં DAમાં વધારો કર્યો છે. નાણા મંત્રાલયે પણ DAમાં થયેલા વધારાને મંજૂરી આપી છે એટલે કે હવે કેન્દ્રીય કર્મચારીઓની સેલેરી વધેલા DA જોડાઈને આવશે. તેને લઈને નાણા મંત્રાલયે એક્સપેંડિચર વિભાગે નોટિફિકેશન જાહેર કરી છે. કેન્દ્ર સરકારે જાન્યુઆરીથી જૂન 2023 માટે DAમાં 4%નો વધારો કર્યો છે. આ વધારા બાદ કર્મચારીઓનું DA 38% થી વધીને 42% થયું છે. 

Central Government has increased Dearness Allowance payable to Central Government employees from the existing 38% to 42%. It will be effective from January 1, 2023. @PMOIndia @FinMinIndia @TheNewIndian_in pic.twitter.com/rSZWkVnXZB

— Pramod Kumar Singh (@SinghPramod2784) April 3, 2023

સરકાર પર વધશે ભારણ
કેન્દ્રીય કર્મચારીઓનાં મોંઘવારી ભથ્થાં DA અને પેંશનર્સનાં મોંઘવારી રાહત DRને મંજૂરી આપી દીધી છે. કર્મચારીઓને જાન્યુઆરી, ફેબ્રુઆરી અને માર્ચ 3 મહિનાનું એરિયર પણ મળશે. આ નિર્ણયથી કેન્દ્ર સરકારનાં આશરે 47.58 લાખ કર્મચારીઓ અને 69.76 લાખ પેન્શનભોગીઓને ફાયદો થશે. DAમાં આ વધારો 7માં PAY COMMISSIONની માંગો બાદ આવ્યો છે. તેનાથી સરકાર પર વાર્ષિક 12815 કરોડ રૂપિયાનું ભારણ વધશે.

કેટલી વધશે સેલેરી?
DAમાં થયેલા 4%નાં વધારા બાદ કર્મચારીએની સેલેરીમાં કેટલો વધારો થશે તે પણ એક ઉદાહરણથી સમજી લઈએ. ઉદાહરણ તરીકે કોઈ કર્મચારીની બેઝિક પે સેલેરી 18000 રૂપિયા છે. જો 38%નાં હિસાબે જોઈએ તો DA 6840 રૂપિયાનો વધારો થાય છે પરંતુ 42%નાં હિસાબે જોઈએ તો આ 7560 રૂપિયા થશે. એટલે કે કર્મચારીની સેલેરીમાં 720 રૂપિયાનો વધારો નોંધાશે.