અમેરિકન રાષ્ટ્રપતિની ચૂંટણીનું પ્રચાર અભિયાન જોર શોરથી ચાલી રહ્યું છે. રિપબ્લિકેશન અને ડેમોક્રેટ પાર્ટીના રાષ્ટ્રપતિ અને ઉપરાષ્ટ્રપતિ પરત્યાશી પુર જોર શોરથી તૈયારીમાં લાગેલા છે. આ દરમિયાન સર્વેમાં ખુલાસો થયો છે કે ભારતીય અમેરિકન મતદાતાઓનું નરમ વલણ ડેમોક્રેટ ઉમેદવાર જો બાઈડેન તરફ ઘણું વધારે છે. ઈન્ડિયન અમેરિકન એટિટ્યૂડ સર્વેના જણાવ્યાનુંસાર 72 ટકા ભારતીય અમેરિકન એવા છે જે રાષ્ટ્રપતિ ચુંટણીમાં બાઈડેનને પોતાનો વોટ આપી શકે છે. ત્યારે ડોનાલ્ડ ટ્રમ્પને 22 ટકા ભારતીય વોટ મળી શકે છે.
કમલા હેરિસ મા શ્યામલા ગોપાલનનો ઉલ્લેખ કરી સમાચારમાં છવાઈ હતી
15 ટકા ભારતીય અમેરિકન રિપબ્લિકનને સમર્થન આપે છે
56 ટકા ભારતીય અમેરિકન ડેમોક્રેટિક પાર્ટી સમર્થક
આ સર્વેમાં 936 ભારતીય અમેરિકનો સાથેની વાતચીતના આધાર પર કરવામાં આવ્યો છે. સપ્ટેમ્બરથી શરુ થયેલા સર્વેમાં શરુઆતમાં 20 દિવસ ઓનલાઈન માઘ્યમથી આ લોકો સાથે વાત કરવામાં આવી. ત્યારે સર્વેમાં જાણવા મળ્યું કે ડેમોક્રેટિક પાર્ટી ભારતીય અમેરિકનને પોતાની મતબેંક માને છે. જેમાં 56 ટકા લોકોએ કહ્યું કે તે સમર્થક ડેમોક્રેટિક પાર્ટી તરફ છે જ્યારે 15 ટકા લોકો રિપબ્લિકનને સમર્થન આપે છે.
તેમજ સર્વેમાં સામે આવ્યું કે આ ભારતીય અમેરિકન ભારત-અમેરિકાના સંબંધોને ચૂંટણીનું ફેક્ટર નથી માનતા. જેનું નુકશાન ટ્રમ્પને થઈ શકે છે. કેમ કે ટ્રમ્પ મોદી અને ભારત સાથેની દોસ્તીનું પ્રદર્શન કરી વોટ મેળવવા પ્રયાસ કરી રહ્યા છે.
સર્વે કહે છે કે ડેમોક્રેટ પાર્ટીની ઉપરાષ્ટ્રપતિ પદની ઉમેદવાર કમલા હેરિસે ભારતીય અમેરિકનનું વલણ પાર્ટી તરફ વાળવામાં મોટી ભૂમિકા ભજવી છે. ગત ઓગસ્ટમાં પોતાની મા શ્યામલા ગોપાલનનો ઉલ્લેખ કરી સમાચારમાં છવાઈ હતી. તેમણે ભારતીય ઈડલી અને મસાલા ઢોંસાનો ઉલ્લેખ પણ કર્યો હતો.