WORLD / કોરોના મહામારીમાં વિશ્વભરમાં 50 કરોડ બાળકો શિક્ષણથી વંચિત, જેના પગલે થશે આ સૌથી મોટું નુકશાન

યુનિસેફનના એક્ઝીક્યુટીવ ડિરેક્ટરના એક નિવેદનમાં જણાવાયું છે કે કરોડો વિદ્યાર્થીઓનું શિક્ષણ વેરવિખેર થઇ ગયું છે. આ એક વૈશ્વિક શૈક્ષણિક કટોકટી છે. આ શિક્ષણથી વંચિત રહેલા બાળકોની ગંભીર અસર અર્થતંત્રો અને સમાજ ઉપર દાયકાઓ સુધી પડી શકે તેમ છે. 

સબ સહારાના આફ્રિકાના બાળકો અહીં સૌથી વધુ અસરગ્રસ્ત

સબ સહારાના આફ્રિકાના બાળકો અહીં સૌથી વધુ અસરગ્રસ્ત થયા છે. અહેવાલમાં જણાવાયું છે કે અહીં એજ્યુકેશન સિસ્ટમ અલગ અલગ ડિસ્ટન્સ લર્નિંગ જેવા કે ટેલિવિઝન, રેડિયો, ઈન્ટરનેટ કે બીજા ફોરમેટમાં બાળકોને શિક્ષણ આપવામાં સંપૂર્ણપણે નિષ્ફળ ગઈ છે. અહીં 50% બાળકોને માર્ચ પછી શિક્ષણને લગતા કોઈ જ પ્રકારના કલાસીસ મળ્યા નથી. આ અહેવાલ હ્યુમન રાઈટ્સ વોચ દ્વારા તૈયાર કરવામાં આવ્યો હતો.   

કેન્યામાં આ વર્ષનું એકેડેમિક યર કેન્સલ

આ અસંગતતા સામે પગલા લેતા કેન્યાની સરકારે ગયા મહિને કહ્યું હતું કે તેઓ આ વર્ષનું એકેડેમિક યર કેન્સલ કરી રહ્યા છે અને વિદ્યાર્થીઓને આ વર્ષ રિપીટ કરાવવામાં આવશે. 

યુનિસેફના આંકડા પ્રમાણે મિડલ ઈસ્ટ અને નોર્થ આફ્રિકાના 40% વિદ્યાર્થીઓ, દક્ષિણ એશિયાના 38% વિદ્યાર્થીઓ અને ઇસ્ટર્ન યુરોપ અને સેન્ટ્રલ એશિયાના 34% વિદ્યાર્થીઓ સંતોષકારક સુવિધાઓમાં ભણી રહ્યા નથી. આવા શિક્ષણથી વંચિત રહેતા વિદ્યાર્થીઓમાં ગ્રામીણ વિસ્તારમાં વિદ્યાર્થીઓનો મોટા પ્રમાણમાં સમાવેશ થાય છે. 

ધનિક પરિવારના વિદ્યાર્થીઓ સારી રીતે સ્ટડી ફ્રોમ હોમ કરી રહ્યા છે

સામાન્યત: જે વિદ્યાર્થીઓ સુખી ઘરમાંથી આવે છે અને તેમના વાલીઓ વધુ એજ્યુકેટેડ છે તેઓને સ્ટડી ફ્રોમ હોમ માટે સારા રિસોર્સ મળી રહ્યા છે તેવું જાણવા મળ્યું છે. આમ સ્કૂલો બંધ થવાથી વિદ્યાર્થીઓ વચ્ચેની શિક્ષણ મેળવવા બાબતની આર્થિક ખાઈ વધુ ઘેરી બની છે.