ઓપરેશન વગર ઘરેલૂ ઉપચારથી જ કિડનીમાંથી પથરી કાઢો

કિડનીમાં પથરી હોય તો કેટલીવાર અસહ્ય દુખાવો થાય છે. કિડનીમાં પથરી હોય તો વજન ઘટવું તાવ ગભરામણ પેટમાં દુખાવો તેમજ પેશાબ કરવામાં તકલીફ જેવી સમસ્યા ઉભી થઇ શકે છે. મોટાભાગના લોકો ઓપરેશન કરાવીને પથરીને કઢાવતા હોય છે. પરંતુ કેટલાક ઘરગથ્થુ ઉપચાર કરવાથી અને ઓપરેશન કરાવ્યા વગર પથરી કાઢી શકાય છે. 

પાણી હાઇડ્રેશનલ લેવલ જાળવી રાખવામાં મદદ કરે છે. સાથે જ શરીરમાં બિનજરૂરી તત્વોને પણ બહાર કરે છે. જે લોકોને પથરીની તકલીફ હોય છે તેમણે પેશાબ દ્વારા પથરીને બહાર કાઢવા માટે વધારે માત્રામાં પાણી પીવું જોઇએ. આમ કરવાથી પથરી બહાર નીકળી શકે છે. 

લીબુંનો રસ અને ઓલિવ ઓઇલનિ મિક્સ કરીને પીવાથી કિડનીમાંથી પથરી સરળતાથી બહાર નીકળી જાય છે. લીબૂંનો રસ પથરીને તોડવામાં મદદ કરે છે તો ઓલિવ ઓઇલ લ્યૂબ્રિકેન્ટની જેમ કામ કરે છે. જેથી કોઇ પણ પ્રકારના બળતરા કે દુખાવા વગર પથરી પેશાબ દ્વારા બહાર નીકળી શકે. 

સફરજનમાંથી બનેલા વિનેગરમાં સાઇટ્રિક એસિડ હોય છે જે કિડનીની પથરી તોડવાની પ્રક્રિયામાં મદદરૂપ થાય છે સાથે જ પેશાબ દ્વારા પથરીને બહાર કાઢવામાં મદદ કર છે. પથરીને કિડનીમાંથી બહાર કાઢવા માટે બે મોટી ચમચી સફરજનના વિનેગર ગરમ પાણી સાથે લેવું. 

દાડમ કેટલાક પોષાકતત્વોથી ભરપૂર હોય છે અને સાથે જ તે હેલ્ધી ફ્રૂટ પણ ગણાય છે. દાડમનો રસ શરીરને હાઇડ્રેટેડ રાખવામાં મદદ કરે છે. આ કિડનીની પથરીને પ્રાકૃતિક રૂપથી બહાર કાઢવામાં મદદ કરે છે. 

મકાઇમાં રહેલા વાળને આપણે ફેંકી દઇએ છીએ. પરંતુ તેના ઉપયોગથી પથરીને બહાર કાઢી શકાય. મકાઇના વાળને પાણીમાં ઉકાળી લો. ત્યારબાદ તે પાણી ગાળીને પીઓ. આ પાણી બીજી પથરી થતાં રોકે છે સાથે જ પથરીના કારણ થતાં દુખાવામાં રાહત આપે છે.