તમારા કામનું / ઘરમાં મચ્છર વધી ગયા હોય તો અપનાવો આ 5 સસ્તા અને સરળ ઘરેલુ ઉપાય, એક પણ નહીં દેખાય

• મચ્છરોને ઘરગથ્થુ ઉપાયથી ભગાવો 
• આ ઉપાય છે સરળ અને સસ્તા
• મચ્છર ફરી નહીં દેખાય ઘરમાં 

ઉનાળામાં જેટલુ ગરમીથી પરેશાન નથી થતા તેનાથી  વધારે મચ્છરોનો ત્રાસ વધી જાય છે. જો તમે પણ ગરમીમાં મચ્છરોથી પરેશાન છો તો આ ઘરગથ્થુ ઉપાય તમારા કામ આવી શકે છે. 

લસણ 
લસણનો રસ મચ્છરોને બીલકુલ પસંદ નથી આવતો. થોડા લસણને વાટીને તેને પાણીમાં ઉકાળી લો. હવે આ સ્પ્રે બોટલમાં ભરીને આખા રૂમમાં છાંટી દો. રૂમમાં રહેલા બધા જ મચ્છર ભાગી જશે. 

કોફી 
જ્યાં પણ આસપાસ તમને લાગે છે કે મચ્છર ઈંડા આપી શકે છે અથવા મચ્છરનો ઉપદ્રવ વધી શકે છે ત્યાં કોફી પાઉડર અથવા કોફી ગ્રાઉન્ડ્સ નાખી દો. બધા મચ્છર અને તેના ઈંડા મરી જશે. 

ફૂદીનો 
મચ્છરોને ફુદીનાની સુગંધ નથી પસંદ. ફુદીનાના તેલને ઘરમાં અલગ અલગ જગ્યા પર છાંટી દો. મચ્છર તમારા ઘરથી દૂર રહેશે. 

લીમડાનું તેલ 
શરીર પર મચ્છર કરડે નહીં અને તમારાથી દૂર રહે તેના માટે લીમડાના તેલને પાણીમાં મિક્ષ કરીને અથવા બોડી લોશનમાં મિક્ષ કરીને શરીર પર લગાવો. મચ્છર તમારા આસપાસ પણ નહીં આવે. 

સોયાબીનનું તેલ 
સોયાબીનનુ તેલ પણ મચ્છરોને તમારાથી દૂર રાખશે. રાત્રે તેને શરીર પર લગાવીને સુવાથી મચ્છર તમને નહીં કરડે.