ભારતીય હવામાન વિભાગ (IMD)એ મધ્યપ્રદેશ અને ગુજરાતમાં આગામી 5 દિવસ સુધી ભારે વરસાદની આગાહી કરી છે
ભારતીય હવામાન વિભાગે આગામી થોડા દિવસ માટે વરસાદની કરી આગાહી
આગામી પાંચ દિવસ ગુજરાત-મધ્યપ્રદેશના કેટલાક ભાગોમાં ભારે વરસાદ રહેવાની સંભાવના
IMDએ મહારાષ્ટ્રમાં જારી કર્યું યલો એલર્ટ, આંધ્રપ્રદેશના શ્રીકાકુલમ જિલ્લામાં ભારે વરસાદ
ભારતીય હવામાન વિભાગ (IMD) અનુસાર આગામી થોડા દિવસોમાં મહારાષ્ટ્ર અને ઉત્તરાખંડ સહિત દેશના ઘણા ભાગોમાં ભારે વરસાદની સંભાવના છે. IMDએ આ રાજ્યોના ઘણા ભાગોમાં ભારે વરસાદની ચેતવણી જાહેર કરી છે. આ ઉપરાંત આગામી પાંચ દિવસ દરમ્યાન ગુજરાત અને મધ્યપ્રદેશના કેટલાક ભાગોમાં ભારે વરસાદ રહેવાની સંભાવના છે. આ તરફ આંધ્રપ્રદેશના શ્રીકાકુલમ જિલ્લો ભારે વરસાદ બાદ પાણીમાં ગરકાવ થઈ ગયો હતો, જેના કારણે સામાન્ય જનજીવન ખોરવાઈ ગયું હતું.
ભારતીય હવામાન વિભાગ (IMD) એ મુંબઈ, થાણે અને સિંધુદુર્ગ સહિત મહારાષ્ટ્રના ભાગો માટે યલો એલર્ટ જાહેર કર્યું છે. સોમવારે રાત્રે મુંબઈના કેટલાક ભાગોમાં વરસાદ પડ્યો હતો અને વરસાદ બાદ મુંબઈના સાયન વિસ્તારમાં પાણી ભરાયેલા જોવા મળ્યા હતા. ભારત હવામાન વિભાગ (IMD) એ ઉત્તરાખંડના ગઢવાલ અને કુમાઉ પ્રદેશોના વિવિધ વિસ્તારોમાં ભારેથી અતિ ભારે વરસાદ માટે રેડ એલર્ટ જાહેર કર્યું છે. ઉત્તરાખંડના જિલ્લાઓમાં છૂટાછવાયા સ્થળોએ ગાજવીજ અને વીજળી પડવાની સંભાવના છે. મંગળવારે આંધ્રપ્રદેશના શ્રીકાકુલમ જિલ્લામાં ભારે વરસાદને પગલે હાઈવે અને રહેણાંક વસાહતોમાં પાણી ભરાઈ ગયા હતા.
Maharashtra | Waterlogging persists in Mumbai's Sion area due to incessant rainfall pic.twitter.com/gUDM9xrxh4
હવામાન વિભાગના જણાવ્યા અનુસાર આગામી બે-ત્રણ દિવસમાં રાજસ્થાનના ઘણા ભાગોમાં મધ્યમથી ભારે વરસાદની સંભાવના છે. હવામાન વિભાગના પ્રવક્તાએ જણાવ્યું હતું કે, આ સિસ્ટમના પ્રભાવ હેઠળ આગામી ચાર-પાંચ દિવસ પૂર્વ રાજસ્થાનના મોટાભાગના વિસ્તારોમાં હળવાથી મધ્યમ વરસાદની શક્યતા છે. જ્યારે 13-15 સપ્ટેમ્બરના સમયગાળા દરમિયાન, કોટા, જયપુર, ઉદયપુર અને ભરતપુર વિભાગના જિલ્લાઓમાં છૂટાછવાયા સ્થળોએ ભારે વરસાદની સંભાવના છે.