દ્વારકા / ATS અને કોસ્ટગાર્ડે ઝડપેલા 417 કરોડનો ડ્રગ્સ કેસ: 5 ઈરાની આરોપીઓના 3 દિવસના રિમાન્ડ મંજૂર, ઓખા કોર્ટેનો નિર્દેશ

• ઈરાની બોટમાં ઝડપાયેલા ડ્રગ્સનો મામલો
• 5 આરોપીઓને 3 દિવસના રિમાન્ડ મંજૂર
• ઈરાની બોટમાંથી 427 કરોડનું ઝડપાયું હતુ ડ્રગ્સ

તાજેતરમાં ATS અને કોષ્ટગાર્ડ દ્વારા 427 કરોડની કિંમતનો ડ્રગ્સનો જથ્થો ઝડપી પાડ્યો હતો. આ મામલે ઈરાની બોટમાં ડ્રગ્સ સાથે ઝડપાયેલ પાંચેય આરોપીઓને રિમાન્ડની માંગ સાથે આજેની ઓખા કોર્ટમાં રજુ કરવામાં આવ્યા હતા. જ્યા ઓખા કોર્ટે 5 આરોપીના 3 દિવસના રિમાન્ડ પર મંજુરની મહોર લગાવી છે. હવે આ રિમાન્ડ દરમિયાન 5 ઈરાની ક્રુ મેમ્બરની વધુ પૂછપરછ હાથ ધરાશે. જેમા કોઈ નવા ધડાકા ભડાકા થાય તો નવાઈ નહિ!

પોરબંદર ન્યૂઝ: ATS અને કોસ્ટગાર્ડ દ્વારા ઝડપાયેલા 417 કરોડના ડ્રગ્સ મામલો, ઈરાની બોટમાં ડ્રગ્સ સાથે ઝડપાયેલા 5 આરોપીને ઓખા કોર્ટમાં રજૂ કરાયા, ઓખા કોર્ટે 5 આરોપીના 3 દિવસના રિમાન્ડ કર્યા મંજૂર#Porbandar #ATS #VtvGujarati pic.twitter.com/Z8W3PkUu3y

— VTV Gujarati News and Beyond (@VtvGujarati) March 9, 2023

6 માર્ચે 61 કિલો ડ્રગ ઝડપાયું હતું

ગુજરાતના દરિયામાંથી ડ્રગ્સ ઝડપાવાનો સિલસિલો યથાવત હોય તેમ વધુ એક  વખત ઇન્ડિયન કોસ્ટ ગાર્ડ અને એટીએસની ટુકડીએ ગુજરાતના દરિયાકાંઠેથી ડ્રગ્સનો મોટો જથ્થો ઝડપી પાડ્યો હતો.મહત્વનું છે કે ગત તા. 6 માર્ચના રોજ ગુજરાત એટીએસ અને કોસ્ટગાર્ડ મધદરિયે મોટું ઓપરેશન પાર પાડી પોરબંદરના દરિયામાંથી અંદાજે 427 કરોડની કિંમતનું 61 કિલો ડ્રગ ઝડપી પાડ્યું હતું આ સાથે સુરક્ષા એજન્સીઓના સત્તાવાળાઓએ પાંચ ઈરાની નાગરિકોની ધરપકડ પણ કરી લીધી હતી. ઓખાથી 190 માઈલ દૂર બોટને આંતરી લઈ એજન્સીએ પાંચ આરોપીઓને દબોચી લીધા હતા. ત્યારબાદ ઇરાની બોટને આરોપીઓ સાથે ઓખા બંદરે લાવવામાં આવી હતી. જ્યા જુદી જુદી એજન્સીઓ દ્વારા જોઈન્ટ ઇન્ટ્રોગેશન હાથ ધરવામાં આવ્યું હતું.