મહામારી / IIM માટે આફત બન્યો કોરોના, આજે એકસાથે આટલા લોકોના રિપોર્ટ પોઝિટિવ આવતા હડકંપ

• IM-અમદાવાદમાં કોરોના બ્લાસ્ટ
• વધુ 35 લોકોના કોરોના રિપોર્ટ પોઝિટિવ 
• IIM ઇન્સ્ટિટયૂટ દ્વારા આપવામાં આવી જાણકારી 

ઉલ્લેખનીય છે કે, કોરોનાના વધી રહેલા કેસની સાથોસાથે અમદાવાદ IIM પણ ચર્ચામાં છે કારણ કે, થોડા સમય પહેલા આવી રહેલા કોરોના કેસોએ ચિંતા વધારી હતી ત્યારે આજેપણ વધુ 35 કેસ નોંધાયા હતા.

118 લોકોના ટેસ્ટ પૈકી 33 લોકોના આવ્યા પોઝિટિવ 

મળતી જાણકારી પ્રમાણે, અમદાવાદ સ્થિત IIMમાં આજે 118 લોકોના કોરોના ટેસ્ટ કરવામાં આવ્યા હતા. જે પૈકી 35 લોકોના રિપોર્ટ પોઝિટિવ આવ્યા છે. 

IIM ઇન્સ્ટિટયૂટ દ્વારા આપવામાં આવી જાણકારી 

IIM ઇન્સ્ટિટયૂટ દ્વારા આપવામાં આવેલી વિગતો મુજબ 20 અને 21 એપ્રિલે દરમિયાન કુલ 231ના RT-PCR ટેસ્ટ કરવામાં આવ્યા હતા. જેમાં કુલ 43 લોકો પોઝિટિવ આવ્યા છે. તો હાલ ત્યાં 130 કેસ એક્ટિવ હોવાનું જણાવવામાં આવી રહ્યું છે. જેમાં 46 વિદ્યાર્થીઓ, 3 પ્રોફેસર અને ઓન અને ઓફ કેમ્પસના કુલ 42, 5 કોન્ટ્રાક્ટ કર્મચારીઓ, 34 કોમ્યુનિટી મેમ્બર સહિતના લોકો કોરોના સંક્રમિત થયેલા છે. 

રાજ્યમાં કોરોનાની સ્થિતિ 

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 12,553 નવા કેસ નોંધાયા છે તો સંક્રમણના કારણે 125 લોકોના મોત નિપજ્યા છે. આ સાથે જ 4,802 દર્દીઓ સાજા થયાં છે. આ સાથે જ અત્યાર સુધીમાં 3,50,865 દર્દીઓ કોરોના મુક્ત થયાં છે. 

છેલ્લા 24 કલાકમાં 125 દર્દીઓના મોતથી ખળભળાટ

ઉલ્લેખનીય છે કે, છેલ્લા 24 કલાકમાં રાજ્યમાં 125 લોકોના સારવાર દરમિયાન મોત થયાં છે. આમ ગુજરાતમાં અત્યાર સુધીમાં 5740 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ચિંતાજનક ઉછાળો નોંધાયો છે તો સાથોસાથ મૃત્યુનો આંકડો પણ દિવસેને દિવસે વધી રહ્યો છે. રાજ્યમાં હાલ 361 લોકો વેન્ટિલેટર પર છે. એક્ટિવ કેસનો આંકડો 84,126 પર પહોંચ્યો છે.

સુરત અને અમદાવાદમાં કોરોના બેકાબૂ 

ગુજરાતમાં રસીકરણની કામગીરી ચાલુ હોવા છતાં બીજી તરફ પરિસ્થિતિ બેફામ છે. કોરોનાના કેસમાં સતત વધારો થતા ચિંતા વધી છે. અમદાવાદ શહેરમાં રાજ્યના સૌથી વધુ 4821 કેસ તો અમદાવાદ ગ્રામ્યમાં 85 કેસ નોંધાયા છે. જ્યારે સુરત શહેરમાં 1849 નવા કેસ, જ્યારે સુરત ગ્રામ્યમાં 491 કેસ નોંધાયા છે. વડોદરા શહેરમાં 475 કેસ, જ્યારે ગ્રામ્યમાં 256 કેસ નોંધાયા. રાજકોટ શહેરમાં 397 કેસ અને ગ્રામ્યમાં 119 કેસ નોંધાયા છે. ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...