ધાનેરાના લવારા ગામ નજીક 340 પેટી વિદેશી દારૂ ઝડપાયો

રાજ્યમાં દારૂબંધી હોવા છતા બુટલેગરો દ્વારા દારૂની હેરા-ફેરી કરવામાં આવે છે. ત્યારે હવે બનાસકાંઠાના ધાનેરાના લવારા ગામમાંથી વિદેશી દારૂ ઝડપાયો હોવાની માહિતી મળી છે.

મળતી માહિતી અનુસાર ગુજરાતમાં દારૂ લાવવા માટે રાજસ્થાનથી ડમ્પરમાં દારૂ ઘુસાડવામાં આવ્યો હતો. ત્યારે પોલીસે ડમ્પરમાંથી 340 પેટી વિદેશી દારૂ અને 1 શખ્સની ધરપકડ કરી છે. પોલીસે દારૂ અને ડમ્પર મળીને કુલ 31 લાખનો મુદ્દામાલ કબ્જે કર્યો છે. પોલીસે બુટલેગરની ધરપકડ કરીને આગળની કાર્યવાહી શરૂ કરી છે.

ઉલ્લેખનીય છે કે જરાતમાં દારૂ બંધીનો કડક અમલ હોવા છતાં દારૂ ભરેલી આખી ટ્રક રાજ્યની બોર્ડર ક્રોસ કરીને કેવી રીતે ઘુસી શકે તે મોટો સવાલ છે. જો કે બોર્ડર પર કોની રહેમ નજર હેઠળ આ દારૂ ઘૂસાડવામાં આવ્યો તે એક તપાસનો વિષય છે.