OMG / રેસ્ટોરન્ટમાં કોરોના વૅક્સિન સર્ટિફિકેટ માંગ્યું તો ત્રણ મહિલા ભડકી, કર્મચારીની હાલત જુઓ કેવી કરી નાંખી

• રેસ્ટોરન્ટમાં મહિલાઓએ કર્યો હંગામો 
• વેક્સિનેશન સર્ટિફિકેટ માંગતા કર્યો હંગામો 
• મહિલાની કરી ધોલાઈ 

અમેરિકાના ન્યુયોર્કમાં એક ફેમસ રેસ્ટોરન્ટની મહિલા કર્મચારીને ત્યાં ત્રણ મહેમાનો પાસેથી કોરોના વેક્સીન સર્ટિફિકેટ માંગવું ભારે પડ્યું છે. ત્રણ મહિલાઓ તેના પર તૂટી પડી અને તેની ધોલાઈ કરી દીધી. 

કેમેરામાં કેદ થયો વીડિયો
આ ઘટનાનો વીડિયો ત્યાં હાજર એક અન્ય ગ્રાહકો પોતાના કેમેરામાં કેદ કરી લીધો.વીડિયોમાં જોઈ શકાય છે કે અપર વેસ્ટ સાઈડ પર કારમાઈનમાં રેસ્ટોરન્ટની મહિલા કર્મતારીએ જ્યારે કોરોના વેક્સિનનું સર્ટિફિકેટ માંગ્યું તો ત્રણ મહિલાઓએ અચાનક તેના પર હુમલો કરી દીધો અને તેનો હાથ તોડી દીધો. ન્યૂયોર્ક શહેરમાં રેસ્ટોરન્ટની અંદર બેસીને ભોજન લેવા માટે વેક્સિનેશન સર્ટિફિકેટ દર્શાવવું જરૂરી છે. 

Carmine’s on the UWS says a hostess was assaulted after asking a group for proof of Covid vaccine to eat inside. “It’s a shocking and tragic situation when one of our valued employees is assaulted for doing their job - as required by city policies...” @NBCNewYork after football. pic.twitter.com/xrqZoNm74R

— Adam Harding (@HardingReports) September 17, 2021

24 વર્ષીય પીડિતા ઘાયલ
પોલીસે જણાવ્યું કે હુમલામાં 24 વર્ષીય પીડિતા ઘાયલ થઈ ગઈ હતી. રેસ્ટોરન્ટના માલિક જેફરી બેન્કે કહ્યું કે કર્મચારીને સારવાર માટે હોસ્પિટલ લઈ જવામાં આવી છે અને શુક્રવારે તેની તબિયત ઠીક હતી. પરંતુ તે આ હુમલાના કારણે આઘાતમાં છે. 

ત્રણ આરોપી મહિલાઓની છેડછાડ અને આપરાધિક કૃત્ય કરવાના આરોપમાં ધરપકડ કરવામાં આવી છે.  તેમને 5 ઓક્ટોબરે કોર્ટમાં રજૂ કરવાના આદેશ આપવામાં આવ્યા છે.