ગાંધીનગરઃ 27 વર્ષ બાદ ગુજરાતમાંથી બીસીસીઆઈની પેનલમાં એમ્પાયર તરીકે માણસાના ભાવેશ પટેલની વરણી થઈ છે. જીસીએમા એમ્પાયર એકેડેમીમાં અને ત્યારબાદ બીસીસીઆઈની 4 પરિક્ષા પાસ કરી 750 ઉમેદવારોમાંથી ઉત્તિર્ણ થઈ એમ્પાયર તરીકે વરણી થઈ છે.
મૂળ ગાંધીનગરના માણસાના અને છેલ્લા પાંચ વર્ષથી જીલ્લા સહાયક નિરીક્ષક તરીકે ફરજ બજાવતા ભાવેશ પટેલ 2013માં વેબસાઈટના માધ્યમથી ગુજરાતની એમ્પાયર એકેડમી વિષે જાણકારી મળી હતી. જેમા પ્રવેશ મેળવ્યા બાદ પાંચ વર્ષની મહેનત બાદ બીસીસીઆઈની એમ્પાયરની પેનલમા સ્થાન નિશ્ચિત કર્યું છે.
ભાવેશ પટેલનું કહેવું છે કે પહેલાથી જ ક્રિકેટ તેમનો અને તેમના પિતાનો રસનો વિષય રહ્યો છે. કોઈ ક્રિકેટનું બેકગ્રાઉન્ડ ન હોવા છતાં માત્ર રસના કારણે તેઓ અમ્પાયર બનવાનો નિર્ણય કર્યો હતો. એમ્પાયર તરીકે નિમણુંક બાદ પણ ભાવેશ પટેલે તેમના વિભાગની મદદ માટે આભાર માન્યો છે.
મહત્વનું છે કે ભાવેશ પટેલ પોતાની પ્રથમ મેચમા એમ્પાયરીંગ આગામી નવેમ્બરમાં અન્ડર 16માં અગરતલામાં ત્રિપૂરા અને પશ્ચિમ બંગાળની મેચથી કારકિર્દીની શરૂઆત કરશે.