ઉડતા કચ્છ / 21 હજાર કરોડના હેરોઈન મામલે તપાસનો ધમધમાટ;7ની ધરપકડ; જાણો શું થયો ખુલાસો

• મુન્દ્રા પોર્ટથી ડ્રગ્સ ઝડપાવાના મામલે તપાસ
• આરોપી દંપતિને સાથે રાખી તપાસનો ધમધમાટ 
• 21 હજાર કરોનાં હેરોઈનનું પગેરું શોધવા જહેમત 

કચ્છના મુંદ્રા પોર્ટ પર આવેલા કન્ટેનર્સની તપાસનો ધમધમાટ વેગવાન બનતા બે કન્ટેનર્સમાં મળીને કુલ 3 હજાર કિલો સફેદ પાઉડર હાથ લાગ્યો હતો. અફઘાનિસ્તાનથી આવેલા આપાઉડરનું માત્ર 10 ટકા જ પ્રોસેસિંગ બાકી હતું. તપાસ એજન્સીઓને હેરોઈન હોવાનું માલુમ પડ્યું હતું .જેને દિલ્લી ખાતે લઇ જવાનું હતું અને અંતિમ પ્રોસેસ ત્યાં થવાની હતી. આ ઘટનામાં અત્યાર સુધી એક દંપતી સહીત 7 શખ્સોની ધરપકડ કરવામાં આવી છે 

માત્ર 10 ટકા બાકી હતું પ્રોસેસિંગ 
કચ્છના મુંદ્રા પોર્ટ પર આવેલા કન્ટેનર્સની તપાસનો ધમધમાટ વેગવાન બનતા બે કન્ટેનર્સમાં મળીને કુલ 3 હજાર કિલો સફેદ પાઉડર હાથ લાગ્યો હતો. અફઘાનિસ્તાનથી આવેલા આ પાઉડરનું માત્ર 10 ટકા જ પ્રોસેસિંગ બાકી હતું. તપાસ એજન્સીઓને હેરોઈન હોવાનું માલુમ પડ્યું હતું .જેને દિલ્લી ખાતે લઇ જવાનું હતું અને અંતિમ પ્રોસેસ ત્યાં થવાની હતી. આ ઘટનામાં અત્યાર સુધી એક દંપતી સહીત 7 શખ્સોની ધરપકડ કરવામાં આવી છે 

VTVએ કર્યો પર્દાફાશ 

સૌથી પહેલા VTV NEWSએ કરેલા આ ડ્રગ્સના પર્દાફાશમાં જણાવાયું હતું કે, પ્રારંભિક તબક્કે 1500 હજાર કરોડનું આ ડ્રગ્સ થવા જાય છે. VTV જ્યારે કહ્યું ત્યારે, મુન્દ્રા પોર્ટ પરના બીજા કન્ટેનરની તપાસ બાકી હતી. બીજા દિવસે કન્ટેનરની તપાસ બાદ સૌથી પહેલો ખુલાસો કરાયો હતો કે, 21 હજાર કરોડનું હેરોઈન ઝડપાયું છે જેનો જથ્થો 3 હજાર કિલો થવા જાય છે. હવે આ હેરોઈન અફઘાનિસ્તાન વાયા ઈરાન અહીં ગુજરાતના મુન્દ્રા બંદરે પહોચ્યો હતો. આ કેસની તપાસના ધમધમાટમાં DRI,NIA સહિતની તપાસ એજન્સીએ ઝુકાવી દીધું છે.દિલ્હીના કોઈ અમિત નામક શખ્સ તરફ પણ શકાની સોય તકાઈ છે. કહેવાય છે કે, ઝડપાયેલું દંપતી અગાઉ શ્રીલંકામાં પણ માદક દ્રવ્ય વેચી ચુક્યું છે.તપાસ એજન્સી હવે આરોપીને સાથે રાખી ચેન્નઈ, વિજયવાડા, દિલ્લીમાં તપાસ કરવા ઉપરાંત આંધ્રપ્રદેશના વિજયવાડાની આશી ટ્રેડિંગ કંપનીના અન્ય આયાત-નિકાસની પણ તપાસ શરૂ કરશે. 

ગુજરાત ATSએ ડ્રગ્સના નેટવર્કને લઈને તપાસ શરૂ કરી
ગુજરાત રાજ્યમાં આવેલ મુંદ્રા પોર્ટ પર હજારો કિલો હેરોઇન પકડાવવા મામલે મોટા સમાચાર સામે આવી રહ્યા છે. ગુજરાત ATS અને NIA દ્વારા સંયુક્ત તપાસ શરૂ કરી દેવામાં આવી છે જેમા ડ્રગ્સ અફઘાનિસ્તાનથી લવાયું હોવાનો ખુલાસો થયો છે. હાલમાં જ અફઘાનિસ્તાનમાં આતંકવાદીઓ સત્તા પર આવ્યા છે ત્યારે ગુજરાતમાં થયેલા આ સૌથી મોટા કાળા કારોબારમાં તાલિબાનની સંડોવણી હોવાની આશંકા છે.

તપાસનો ધમધમાટ : પાકિસ્તાન અને તાલિબાનનો હાથ હોવાની આશંકા 
સરકારના નાક નીચે હજારો કિલો ડ્રગ્સ ગુજરાતમાં ઘુસાડવાનું કામ કરવામાં આવ્યું છે ત્યારે ભારતને નશામાં ખરાબ કરવામાં પાકિસ્તાનનો પણ હાથ હોય શકે છે ત્યારે ISI તથા તાલિબાન હવે તપાસ એજન્સીઓની રડારમાં આવી ગયા છે. આ કનેક્શનની તપાસ હવે મુંદ્રાથી ગાંધીધામ, દિલ્હી, માંડવી, ચેન્નઈ અને અમદાવાદ સુધી પહોંચી છે. એવામાં આગમી સમયમાં તપાસ બાદ કેટલાક નવા નામો સામે તેવી પૂરેપૂરી શક્યતા છે. 

ડ્રગ્સનો અત્યાર સુધીનો સૌથી મોટો જથ્થો ઝડપાયો 
નોંધનીય છે કે DRIએ આ ડ્રગ્સનો જથ્થો મુંદ્રા પોર્ટ પર પકડી પાડ્યો હતો જેમા ડ્રગ્સની કિંમત હવે 21 હજાર કરોડની હોવાનું સામે આવ્યું છે. હજારો કરોડનાં કાળા કારોબારનાં આ કૌભાંડનમાં ED પણ તપાસમાં જોડાઈ છે .21 હજાર કરોડ રૂપિયાનો જથ્થો પકડાવવો એ ભારતના ઈતિહાસમાં પહેલી ઘટના છે ત્યારે હવે આ કેસ પર આખા દેશની નજર છે.

મુન્દ્રાથી મળેલા ડ્રગ્સકેસમાં અત્યાર સુધી શું થયું? 

ટેલકમ પાવડરની આડમાં પહોંચાડાયું હેરોઇન
તપાસમાં આંતરરાષ્ટ્રીય ડ્રગ્સના નેટવર્કનો થયો ખુલાસો
ડ્રગ્સનું અફગાનિસ્તાનના કનેકશન હોવાનો થયો ખુલાસો
ચેન્નઇના દંપતિની ધરપકડ બાદ થયો ખુલાસો
ગુજરાત ATS અને NIAએ શરૂ કરી તપાસ
દિલ્લીથી કસ્ટમ હાઉસના એજન્ટ કુલદીપસિંહની ધરપકડ થઇ
દિલ્લીથી અફઘાનિસ્તાનના એજન્ટની ધરપકડ
દિલ્લીના અમિત નામના આરોપીનું નામ આવ્યું
અમિત અફઘાનિસ્તાનથી કનેક્ટ રહી ડ્રગ્સનું કન્સાઇમેન્ટ લાવતો હતો
ડ્રગ્સ નેટવર્કના તાલિબાન અને ISIનું કનેકશનની આશંકા
ગુજરાત ATS અને NIAની ટીમે શરૂ કરી તપાસ
ઝડપાયેલા ડ્રગ્સનો આંકડો 20 હજાર કરોડને પાર
EDએ પણ હવે આ તપાસમાં ઝંપલાવ્યું
અત્યાર સુધીમાં કુલ 5 લોકોની ધરપકડ કરવામાં આવી
દિલ્લી,અમદાવાદ,વિજયવાડા,ચેન્નાઇ અને મુન્દ્રામાં દરોડાની કાર્યવાહી
DRIએ ચેન્નાઇની દંપતિના 10 દિવસના મેળવ્યા રિમાન્ડ
દંપતિએ જુલાઇમાં પણ ડ્રગ્સનું કન્સાઇન્ટમેન્ટ લીધું હતું
 

ડ્રગ્સની હેરાફેરી કઇ રીતે થઇ?

અફઘાનિસ્તાનની હસન હુસૈન કંપનીએ મોકલાવ્યું હતું ડ્રગ્સ
વિજયવાડાની આશી ટ્રેડિંગ કંપનીને ડ્રગ્સ મોકલાવ્યું
ટેલકમ પાવડરની આડમાં મોકલાયું હેરોઇન ડ્રગ્સ
DRIએ FSL પાસેથી કરી હતી ખાતરી