ન્યૂ લોન્ચ / નવી TVS Apache RR 310 લોન્ચ, ધોની બન્યો સૌથી પહેલો ગ્રાહક

નવી બાઇકમાં મેકેનિકલ અને કોસ્મેટિલ થોડો બદલાવ કરવામાં આવ્યો છે. જ્યારે કિંમતની મામલામાં જૂના મૉડલની સરખામણીમાં 3000 રૂપિયા મોંઘીં છે.

નવી Apache RR 310માં સૌથી મોટો બદલાવ એ કરવામાં આવ્યો છે કે, હવે આ બાઇક સ્લિપર ક્લચ આપવામાં આવી છે. આ ઉપરાંત તેમાં નવો ફેન્ટમાં બ્લેક કલર ઑપ્શન મળશે. આ નવા કલરમાં અલગ ફિનિશ અને યૂનિક રેડવાઇટ સ્ટ્રિપ આપવામાં આવી છે. આ સિવાય Apache RR 310માં કોઇ બદલાવ કરવામાં આવ્યો નથી. બાઇક કંપનીના સિલેક્ટેડ ડિલરશિપ પર ઉપલબ્ધ છે. ખાસ વાત એ છે કે, સ્લિપર ક્લચવાળી નવી બાઇકના પહેલા ગ્રાહક મહેન્દ્ર સિંહ ધોની બન્યો. ધોનીએ આ બાઇકને રેસિંગ રેડ કલરમાં લીધી. 

આ ફૂલ ફેયર્ડ શાર્પ સ્ટાઇલવાળી બાઇકમાં 312.2 cc લિક્વિડ-કૂલ્ડ એન્જિન છે. આ એન્જિન 33.52 bhpના પાવર અને 27.3Nm ટોર્ક જનરેટ કરે છે. એન્જિન સ્લિપર ક્લચની સાથે 6 સ્પીડ ગિયરબોક્સ આપવામાં આવ્યુ છે. સ્લિપર ક્લચ હોવાથી ફાસ્ટ સ્પીડમાં પણ ઝડપથી ગિયર ચેન્જ કરી શકાય છે. બાઇકમાં ડ્યૂઅલ ચેનલ ABS આપવામાં આવ્યુ છે. 

કંપનીનો દાવો છે કે Apache RR 310ની ટોપ સ્પીડ 160KM પ્રતિ કલાક છે. જે 7.17 સેકન્ડમાં 0-100 કિમી પ્રતિ કલાકની ઝડપ પકડી શકે છે. આ બાઇકમાં ડિજિટલ ઇન્સ્ટૂ્મેન્ટ કલસ્ટર છે, જેમાં સ્પીડોમીટર, ટેકોમીટર, ટ્રિપ મીટર જેવા જરૂરી રીડઆઉટ ઉપરાંત લેપ ટાઇમર, રેસ ડાયગ્રોસ્ટિક્સ સિસ્ટમ, સ્પીર રેકોર્ડર અને લોન્ચ ટાઇમ રેકોર્ડની સુવિધા છે.