ભારતમાં Hyundai મોટર ઇન્ડિયાની પહેલી ઇલેક્ટ્રિક કારની રાહ ખૂબ જ લાંબા સમયથી જોવામાં આવી રહી છે. Hyundai મોટર ઇન્ડિયા નવી Kona EV ને આ વર્ષે 9 જુલાઇએ લોન્ચ કરવા જઇ રહી છે.
આ ગાડીના બે વેરિએન્ટ્સ જોવા મળી શકે છે જેમાં એક 39kwh અને બીજું 64kwg ની બેટરી સાથે આવશે. જે સિંગલ ચાર્જ પર 480 કિલોમીટરનું અંતર કાપી શકે છે. પરંતુ Hyundaiની તરફથી ભારતીય માર્કેટમાં એને બે અથવા એક વર્ઝનમાં લોન્ચ કરવાને લઇને ખુલાસો કરવામાં આવ્યો નથી.
નવી Kona EV માં 39.2 Kwh ની બેટરી આપવામાં આવી શકે છે. જે 135 bhp નો પાવર અને 335 Nmનો ટાર્ક આપશે. ફુલ ચાર્જ થવા પર આ 400 કિલોમીટરથી વધારેનું અંતર કાપી શકશે. આ ઉપરાંત 0 થી 100 કિમી પ્રતિ કલાકની સ્પીડ પકડવામાં એને 9.3 સેકન્ડનો સમય લાગશે. આ ઉપરાંત એમાં ફાસ્ટ ચાર્જિંગની સુવિધા મળશે. એને 54 મિનીટમાં 0 થી 80 ટકા સુધી ચાર્જ કરવામાં આવી શકે છે.
નવી Kona EVની અંદાજે કિંમત 25 લાખ રૂપિયાની આસપાસ હોઇ શકે છે. જો આટલા રૂપિયા હશે તો આ ખૂબ જ મોંધી કાર હશે. કંપનીએને CKD રૂટ દ્વારા લાવવમાં આવશે અને ભારતમાં ચેન્નાઇની પાસે સ્થિત Hyundai ના શ્રીપેરુમબુદુર ફેક્ટ્રીમાં અસેમ્બલ કરશે.
વાત ફીચર્સની કરીએ તો નવી Kona EV માં Bluelink connectivity ને સામેલ કરવામાં આવી શકે છે. આ એ ટેકનોલોજી છે જે તાજેતરમાં જ લોન્ચ થયેલી Venue માં સામેલ કરવામાં આવી છે. કારમાં ઑટોમેટિર ક્લાઇમેટ કંટ્રોલ, LED પ્રોજેક્ટર હેડલેપ્સ અને DRLS, ઇલેક્ટ્રિક સનરૂફ, રેન સેનસિંગ વાઇપર્સ જેવા ફીચર્સને જગ્યા મળશે.