TATAની TIGOR FACELIFT થઇ ભારતમાં લોન્ચ આટલી કિંમતમાં મળશે અઢળક ફિચર્સ

તાજેતરમાં ટાટા મોટર્સે નવી દિલ્હીમાં આયોજિત એક ઇવેન્ટ દરમિયાન પોતાની 2018 Tigor ફેસલિફ્ટને ભારતમાં લોન્ચ કરી દીધી છે. કંપનીએ આ કારની શરૂઆતી કિંમત 5.20 લાખ રૂપિયા રાખી છે. આ નવી કારમાં ઘણા અપડેટ્સ અને નવા ફિચર્સ આપવામાં આવ્યા છે. 

નવી ટાટા ટિગોરમાં પાંચ વેરિયન્ટ XE XM XZ XZA અને XZ+ માં રજૂ કરાઇ છે. બેસ પેટ્રોલ વેરિયન્ટની શરૂઆત કિંમત 5.20 લાખ રૂપિયા રાખવામાં આવી છે. તો ટોપ ડિઝલ વેરિયન્ટની કિંમત 7.38 લાખ રૂપિયા રખાઇ છે. તમને જણાવી દઇએ કે ઓટોમેટિક મેન્યુઅલ ટ્રાન્સમિશનનો ઑપ્શન ટોપ પેટ્રોલ વેરિયન્ટમાં રાખવામાં આવ્યો છે. તેની કિંમત 6.65 લાખ રૂપિયા છે. આ બધી કિંમતો એક્સ શો રૂમની છે. 

નવી ટાટા ટિગોરની ઓવરઓલ ડિઝાઈન જૂના મોડલ જેવી રાખવામાં આવી છેજોકે તેમાં ઘણા અપડેટ્સ આપેલા છે. નવી ટિગોરમાં એક્સટીરિયરમાં આપેલા અપડેટ્સની વાત કરવામાં આવે તો નવી ટિગોરમાં ડાયમંડ પેટર્ન ફ્રંટ ગ્રિલ ડ્યુઅલ-ચેમ્બર પ્રોજેક્ટર હેડલેમ્પ્સ અને 15 ઈંચ ડ્યુઅલ ટોન અલોય વ્હીલ્સ આપેલા છે. સાથે જ નવી ટિગોરમાં ક્રિસ્ટલ ઇન્સ્પાયર્ડ LED ટેલ લાઇટ કલસ્ટર શાર્ક ફિન એન્ટીના અને એક 36 LED હાર્ડ માઉન્ટેડ સ્ટોપ લાઇટ આપેલી છે. 

ટિગોરના ઈન્ટીરીયરની વાત કરીએ તો અંદર ડ્યુઅલ-ટોન (બ્લેક-ગ્રે)થીમ આપેલી છે. ઇન્ટીરીયરમાં એન્ડ્રોઇડ ઓટો સાથે 7 ઇંચની ટચસ્ક્રીન ઈન્ફોટેનમેન્ટ સિસ્ટમ આપેલી છે. સેફ્ટી માટે ડ્યુઅલ-ફ્રંટ એરબેગ્સ ABS EBD કોર્નર સ્ટેબિલિટી કંટ્રોલ કેમેરા સાથે રિવર્સ પાર્કિંગ સેન્સર આપેલા છે. નવી બોડીને મજબૂત સ્ટીલમાંથી તૈયાર કરાઇ છે. 

ટાટા ટિગોરના ફેસલિફ્ટમાં 1.2 લીટર પેટ્રોલ અને 1.05 લીટર ડિઝલ એન્જિન આપેલું છે. કારમાં રેવોટ્રોન પેટ્રોલ એન્જિન 84bHpનો પાવર અને 114Nm પિક ટોર્ક જનરેટ કરે છે તે તેનું રેવોટોક ડિઝધલ એન્જિન 69bHpનો પાવર અને 140Nm પિક ટોર્ક જનરેટ કરે છે. બંને એન્જિનને સ્ટાન્ડર્ડ રીતે 5 સ્પીડ મેન્યુઅલ ગિયરબોક્સથી જોડવામાં આવ્યા છે. 

નવી ટાટા ટિગોરને ગ્રાહકો ઇજિપ્ટિયન બ્લૂ રોમન સિલ્વર બેરી રેડ પર્લસેન્ટ વૉઇટ ટાઇટેનિયમ ગ્રે અને એસ્પ્રેસો બ્રાઉન કલરના ઑપ્શનમાં ઉપલબ્ધ રહેશે. કારના તમામ વેરિયન્ટ્સ ટાટા મોટર્સના બધા આઉટલેટ્સ પર ઉપલબ્ધ રહેશે.