સિદ્ધિ / સુરતની આ 2 મહિલાઓએ 89 દિવસમાં કરી 3 ખંડ અને 21 દેશની યાત્રા, આપ્યો આ ખાસ સંદેશ

માઈનસ 9 ડિગ્રી તાપમાનમાં પણ રાઈડ કરતા હતા

બાઈકિંગ ક્વિન્સના ફાઈઉન્ડર સારિકા મહેતા કહે છે કે, અમે રોજ ઓછામાં ઓછા 500 કિમીનું અંતર કાપતા હતા. સવારે 8 વાગ્યેથી નીકળી સાંજે 7 વાગ્યે સુધી બાઈક રાઈડ કરતા હતા. ક્યારે દિવસના 800 કિલોમીટર અંતર પણ કાપતા હતા. અમે 29 ડિગ્રીના તાપમાનમાં તેમજ માઈનસ 9 ડિગ્રીમાં પણ બાઈક રાઈડ કરતા હતા. ઘણી જગ્યાએ તો એવા જંગલમાં પણ રાઈડ કરી હતી જ્યાં દૂર દૂર સુધી કોઈ દેખાતું જ ન હતું. કેટલીક જગ્યાઓએ તો 300 કિમી સુધી રસ્તાઓ જ ન હતા.

અનેક મુશ્કેલીઓ સાથે કર્યો પ્રવાસ

89 દિવસનો આખો પ્રવાસ ખૂબ જ એડવેન્ચર વાળો રહ્યો. અમે જ્યારે રશિયામાં પ્રવેશ કરી મોસ્કો પહોંચ્યા. ત્યાં અમે અમારી ડોક્યુમેન્ટરી શુટ કરી રહ્યા હતા. એ સમયે મારી સાથેના જીનલ શાહનું વોલેટ ખોવાઈ ગયું હતુ. જેમાં તેમના પાસપોર્ટ, વિઝા, પર્સનલ ડોક્યુમેન્ટ હતા. આ વસ્તુ અમને ત્યારે ખબર પડી જ્યારે અમે રશિયાની સરહદ પર હતા. અમે ત્યાંની એમ્બેસીમાં સંપર્ક કર્યો. દરેક પ્રયત્નો કર્યા કે જીનલ આગળ વધી શકે. પરંતુ અમારી પાસે ભારત ફરવા સિવાય બીજો કોઈ વિકલ્પ ન હતો. કારણકે ડોકયુમેન્ટસ વગર બાઈક સાથે આગળ ‌વધી શકાય એવુ હતુ જ નહિ. તેથી જીનલ શાહ પરત ફર્યા અને અમે પ્રવાસ માટે આગળ વધ્યા હતા.  સાથે જ અમારી એક બાઈક પણ ચોરી થઈ ગઈ. અમે પોલીસ ફરિયાદ કરી. ત્યાં સીસીટીવી ફુટેજ જોવા માટે પણ પહેલા કોર્ટની પરમિશન લેવી પડે. પરંતુ તેમાં અમારો ઘણો સમય જઈ રહ્યો હતો. બાઈક ચોરી થયું એટલે એ ક્યારે મળી શકે તેનો કોઈ સમય નક્કી ન હતો. મહિનાઓ અને વર્ષ પણ લાગી શકે એવુ હતુ. ત્યારે અમને બે જ વિકલ્પો આપવામાં આવ્યા હતા કે તમે પ્લેનમાં તમારો પ્રવાસ આગળ વધારી શકો છે કયાં તો ભારત પાછા ફરી શકો છો. એ સમયે અમે ઘણા નિરાશ થઈ ગયા હતા. 

આ દેશનો પ્રવાસ કર્યો

ત્રણ મહિલાઓ એશિયા, આફ્રિકા અને યુરોપ ખંડના 21 દેશોમાં રાઈડ કરી હતી, જેમાં લંડન, મોરોક્કો, સ્પેન, ફ્રાન્સ, બેલ્જીયમ, નેધરલેન્ડ, સ્વિત્ઝર્લેન્ડ, લેચેનસ્ટાઈન, ઓસ્ટ્રેલિયા, જર્મની, પોલેન્ડ, બેલારુસ, લિથુનિયા, લટવિયા, રશિયા, કઝાકિસ્તાન, ઉઝબેકિસ્તાન, ચેકોસ્વાલિયા, કિર્ગીસ્તાન, ચાઈના, લાઓસ, થાઈલેન્ડ, મન્યાનમાર, નેપાલ અને ભારતના વિવિધ શહેરમાં રાઈઢ કરી હતી.

સૌજન્ય- તસવીરો  અને વીડિયો સારિકા મહેતાના ફેસબુક પેજ પરથી સાભાર