વડોદરામાં સ્વાઈન ફ્લૂના વધુ 2 કેસ નોંધાયા આંક 14 પર પહોચ્યો

હાલ સમગ્ર રાજ્યમાં સ્વાઇન ફ્લૂનો કહેર દિવસે ને દિવસે વધી રહ્યો છે. ત્યારે રાજ્યના કોઇને કોઇ શહેરમાં દરરોજ સ્વાઇન ફ્લૂના પોઝીટવ કેસ જોવા મળે છે. વડોદરામાં સ્વાઈન ફ્લૂનો કહેર યથાવત છે. 

મળતી માહિતી અનુસાર શહેરમાં સ્વાઈન ફ્લૂના વધુ 2 પોઝિટિવ કેસ નોંધાયા છે. શહેરમાં સ્વાઈન ફ્લૂનો આંકડો 14 પર પહોંચ્યો છે. શહેરની ખાનગી હોસ્પિટલોમાં 11 પોઝિટિવ કેસ અને સરકારી હોસ્પિટલમાં 3 પોઝિટિવ કેસ નોંધાયા છે. સ્વાઈન ફ્લૂના કેસ નોંધાતા તંત્ર દ્વારા તાકેદારીના પગલા પણ લેવામાં આવી રહ્યા છે. 

અત્રે ઉલ્લેખનીય છે કે ગત વર્ષની સરખાણીએ આ વર્ષે સપ્ટેમ્બર મહિનામાં સ્વાઈન ફ્લૂનો કહેર ઓછો છે પરંતુ છૂટા છવાયા દર્દીઓ નોંધાઈ જ રહ્યાં છે. આજે વધુ બે સ્વાઈન ફ્લૂનો દર્દી સારવાર લેતો હોવાનો રીપોર્ટ આવ્યો હતો.